انا عايز اتكلم فى مواضيع سياسية حد معايا؟
السلام عليكم
طبعا العنوان شكله يخض بس انا مش قصدى اللى فى دماغكم انا مش حاتكلم ولا اناقش السياسة الداخلية للبلد انا حاتكلم ع نطاق اوسع من كده عن السياسة الدولية والعربية انا من الناس اللى مهتمه جدا بالسياسة الدولية والعربية ومحاولة فهمها وفهم النتائج والأحداث المترتبة عليها وبالذات المنطقة العربية والصراع العربى الإسرائيلى والغرب والشرق
بس فيه شوية حاجات كده لازم نتفق عليها الأول واحنا بنتناقش:
- مافيش خناقات
- ارجوكم بلاش اراء دينية محضة :
السياسة مافيهاش دين ولا اخلاق ولا عواطف مالهاش غير قاعدة كل واحد بيشوف مصلحته يعنى 1+1=2 واكيد كلنا عارفين دينا بيقول ايه وطبعا مش محتاج اقولكم اننا مش عايزين طائفية فى المواضيع
- بلاش تهم العمالة والخيانه والعلمانيه اللى هيا جاهزة من بعض الناس زى الأخوان ضد اى حد مش متفق معاهم
- واخيرا اللى مش متفق معايا فى الحجات اللى فاتت دى يتجاهل الموضوع ده خالص ويعمل موضوع منفصل لمناقشة الى هو مش متفق معايا فيه عشان مانبوظش الموضوع الأصلى
حانبتدى بشوية مواضيع بالترتيب حانتناقش فيهم:
أول موضوع : الحرب مصر ضد اسرائيل من (وجهة نظر سياسية وليست دينية) هل هيا مستحيلة فى المستقبل المنظور (يعنى من 20 اى 30 سنه) ولا لأ؟
ولو مستحيلة ياترى ايه الأسباب؟
وحاتكون شكل الحرب دى ازاى (من وجهة نظر حربية واستراتيجية)؟
ايه الأسلحة السياسية اللى مع مصر أوضدها؟
على بركة الله
__________________
Romeeoo MUST die
مـــوضـــوعـــاتـــى:- ممنوع منعا باتا نقل مواضيعى الى اى منتدى سيارات اخر وشكرا لتفهمكم
|