رد: ستروين سي4 ولا ميجان ؟
الستروين افضل بكثير جدا عن الميجان من ناحيه الثبات والقوه والفخامه
الستروين عربيه ثابته جدا على الطريق وخاصه فى الملفات والمنحنيات ( وده عن تجربه شخصيه بس ماكانتش C4 كان موديل قديم شويه )
شكلها اقيم وافخم بكتير من الميجان السيدان
العربيه من جوه تابلوه فى منتهى الاناقه والفخامه بجد
فى منها فئات كتيره اعلاهم ال C4 بانوراما ودى كانت فى حدود 140 الف السنه الى فاتت
عيوب الستروين:
ان قطع غيارها مش متوفرة بالرغم ان التوكيل ( عز العرب ) اسم قوى فى السوق
العيب الاساسى الستروين مالهاش اقبال فى مصر ( زى عربيات كتيره مثل الفولفو والسوبارو )
يعنى العربيه مش هتعرف تبيعها فيما بعض لكن هتستمع بالعربيه بمعنى الكلمه بالذات ال C4
انا كان لى صديق معاه C4 موديل 2007 العربيه كانت عامله 25000 كم
كان شاريها ب 130 الف وهى زيرو
بعد كده باعها ب 85000 بالعافيه ( الكلام ده كان فى اول 2009 )
والعربيه كان مافيش فيها خربوش وكانت لسه فى الضمان
فالعربيه لو انت ناوى ماتغيرهاش قدام يبقى اختار الستروين
وهتستمع بركوب العربيه
لكن لو انت بتحب تغير العربيه كل فتره يبقى اختار اى حاجه الا الستروين والسوبارو
ربنا يوفقك
|