المشاركة الأصلية كتبت بواسطة smartghost911
مساء الخير يا دكتور تامر أنا عارف إن أكيد ناس كتير قوى بيستفسروا منك فى حاجات زى اللى هطلبها منك .. بس ده إن دل على شيئ فهو دماثة خلقك و ثقة الناس فيك ..
أنا هتخرج من كلية الطب السنة الجاية إن شاء الله .. و فعلا محتاج عربية بدل البهدلة فى المواصلات و اتعرضت لمحاولة نصب من شخص قريبى استغل ثقتى المفرطة و جهلى التام بالسيارات .. علشان مطولش على حضرتك ..
يا ريت تساعدنى فى إيجاد (و ليس ترشيح) سيارة مناسبة لا تزيد عن 40 ألف جنيه يعنى ترشحلى حد ثقة أو عربية تعرفها أو ما شابه ..
أنا من المنصورة و ممكن أنزل لحضرتك الزقازيق فى أى وقت ..
و يا ريت أعرف رأى حضرتك فى الإبيزا مميزات و عيوب ؟
شكرا جزيلا لوقت حضرتك و يا ريت تسمحلى أبعت الرد ده فى موضوعك حتى تعم الفائدة ..
|
تحت أمرك زميل المستقبل
دعنا أولا نحدد الخيارات فى نطاق ال40000
لانوس مو99-2000 (الأفضل فى رخص قطع الغيار والصيانة وإعادة البيع)
أكسنت مو2001 كاملة ال1500(نفس اللانوس)
كيا سيفيا مو99 كاملة (سيارة جيدة تتفوق على سابقيها فى الثبات لكن قطع الغيار والصيانة أعلى نسبيا وإعادة البيع أقل)
إبيزا مو2001 كاملة (شبابية رائعة لكن موتورها أصغر وقطع غيارها وصيانتها أغلى)
نوبيرا مو97-98 (موديل قديم الأداء عفشتها بها مشاكل لكن صيانة وقطع غيار رخيصة)
صنى مو96-97 ( ممتازة فى الأداء والثبات وقطع غيارها متوسطة وبهذا السعر لن تكون حالتها مميزة)
كورولا مو92 ( مو قديم لكن رائع ومرغوب)
لانسر مو96( ممتازة لو كانت بحالة جيدة )
ستيروين إكسار مو2002 -2003كاملة(روعة فى الأداء والثبات لكن قطع غيارها وصيانتها مكلفة جدا)
فورد مونديو مو98 (أداء متميز لكن مثل الإكسار بالإضافة إلى أنها غير مرغوبة فى الشراء)