المشاركة الأصلية كتبت بواسطة hesham90
اولا - نبدأ على بركة الله اول شبئ يتم تقديم طلب لشراء سيارة مجهزة طبيا للمجالس الطبية المتخصصة بشارع الفلكى بوزارة الصحة بأسم المعاق ويتم دفع مبلغ300ج للطلب العادى والمستعجل 600ج وبتستلم ايصال توريد نقدية بالمبلغ ويحدد عليه تاريخ كشف القموسيون الطبى وورقة اخرى بها تاريخ كشف النظر وبيكون على يومين مختلفين .وفى يوم كشف النظر اللى بيبقى الاول تكون الساعة9 صباحا بمستشفى المنيرة او حسب تحديد مكان الكشف طبقا لمحافظتك وبتدفع رسم قدره 10.5 فى الخزنة وبتدخل تكشف نظر ومعاك صورتين فوتوغرافية ليك حديثة ولو بتستخدم نظارة تكشف بالنظارة وتكون صورك الفوتوغرافية بالنظارة وبتتسأل فى العلامات والالوان والارقام زى اى كشف نظر. والى اللقاء فى الكشف الطبى بالقمسيون.
|
ثانيا- يوم القمسيون وبيكون بعد يوم من النظر تحضر بنفس جواب النظر وبنفس ايصال النظر وتكشف طبى فى غرفة بها اعضاء اللجنة الثلاثية وبيسألوك عن نوع الاعاقة اذا كانت بتر فى احد الاطراف او شلل اطفال وهما دول السببين اللى بيسمح بيهم القمسيون بسيارة للمعاقين وبيطلبوا منك اظهار الاعاقة وحركة اليدين والارجل وبعدين تنصرف ويقولك روح للمجالس الطبية بعد شهرين اسأل عن النتيجة وعند نجاحك تستلم ورقة مدون بها ارقام المسجلات التى تم بها ارسال الملف الخاص بك للجمرك اللى انت حدده قبل كده فى الطلب ويقولك كمان شهر روح للجمرك تلاقى ملفك وصل للجمرك وجمركى كان بور سعيد وتلاقى فى الجمرك المجلس الطبى محددلك نوع السيارة المناسبة لحالتك سواء كانت مانوال او اتوماتيك ونوع التجهيزة المطلوبة لسيارتك والى اللقاء فى جمرك بورسعيد ومعذرة للتأخير فى الرد لظروف العمل وسيتم التواصل مع حضراتكم للاستفادة من خبرات السادة اعضاء المنتدى الافاضل وتقبلوا خالص تحياتى