اهلا بيك اخي الحبيب في منتدانا
اولا كون انك بتسوق العربيه من غير رخصه دي لوحدها مسئوليه كبيره و غلط جدا و انصحك ما تسوقش لوحدك ابدا
لان لا قدر الله لو لجنه وقفتك او عملت حادث لاقدر الله حتبقي كارثه و ممكن تدخل الاحداث كمان !!!
يبقي ليه تعرض نفسك للخطر؟؟
ثانيا بالنسبه لحكايه الملف حتلاقيه موجود و ليس لكلام صديقك اي اساس من الصحه
اهم حاجه والدك يروح الشهر العقاري بالتوكيل اللي معاه و عقد البيع و يسجل العربيه لنفسه
و يطلع علي المرور التابع له السياره و يجيب شهاده بيانات من هناك و شهاده مخالفات
و يطلع علي المرور محل اقامتكم و يدفع ضريبه و تلت عن كل سنه تاخير و يفحص العربيه و يجدد الرخصه باسمه
اما بالنسبه للزجاج الملون فانت كده بتلقي بنفسك للتهلكه لانك لو معدي علي اي لجنه ممكن يوقفك سهل جدا
ساعتها بقي حيتعملك محضر محترم و تتسحب العربيه و تبات انت في القسم و تتعرض علي النيابه
1.القياده بدون رخصه قياده
2.سياره منتهي رخصه التسيير الخاصه بها
3.زجاج ملون
و ماخفي كان اعظم
فنصيحه بلااااااااش تمشي بيها و اعمل اللي قولتلك عليه