|
كفاية خلاص
كفاية خلاص ما تروح
كل يوم زى اللى قبله
كفاية مالينى جروح
م القساوة عينيا دبلوه
الصعود زى الهبوط
والخطاوى زى الوقوف
خطايا متجمّلة بدفوف
ولسان لئيم ملفوف
بالمكر وغدر العنكبوت
على الرقاب لافف خيوط
يا تعيش ذليل يا تموت
حقك فى الضياع محطوط
وسط التراب فوق الرفوف
مركون غريب مدبوح
صمت العيون مليان بالخوف
الفقر عشش جوه البيوت
فردت أيادى الإخطبوط
اللى إنبنى له صروح
فوق الألم والنوح
شمس النهار لبعيد بتروح
لكن أكيد لسمانا تعود
كل الظلام بالقوة تشوط
__________________
|