[AAAH]

المشاركة الأصلية كتبت بواسطة hazem_khidr اهلا وسهلا بيك يا استاذ أأأأ بالنسبه لنقل الملكيه المفروض البايع يجيب لك شهاده مخالفات لو مش جايب ممكن تنزل دمياط تروح تجيب شهاده مخالفات للعربيه من نيابه المرور و لو نمر العربيه من النمر البارزه يبقي تروح الشهر العقاري اما لو نمر العربيه مكتوبه علي صاج يبقي كده حتحتاج شهاده بيانات للعربيه من المرور و بعدين تاخد بعضك علي الشهر العقاري تسجل العربيه لنفسك في القاهره عادي بموجب الرخصه الساريه و التوكيل ممكن تسجل العربيه لنفسك و تكاليف التسجيل مش حتبقي ازيد من 200 جنيه و بعدين تطلع علي المرور اللي انت تابع له و معاك الرخصه و بطاقتك الشخصيه و صورتين منها و التوكيل و العقد المسجل و شهاده المخالفات تدخل تفحص العربيه و تقدم الورق في الشباك و معاه اورنيك الفحصو خلاص تستني تشوف الموظف حيطلب منك ايه و تسلم اللوحات و بعد ما تاخد الرخصه حتستلم اللوحات الجديده الخاصه بك و بس

ربنا مايحرمنيش منك يا حازم باشا
وعلى فكرة انا اسمى على (ابو احمد)
بس مش المفروض طالما الرخصة ساريه مابحتجش شهادة بيانات؟
ولو محتاجها وسجلت العربية بإسمى فى الشهر العقارى ينفع انا اللى اطلع شهاده المخالفات والبيانات من مرور دمياط؟
ولو محتاجين الحاجات دى فى مرور السلام الأول فالمفروض كده حسب ما انا فهمت انى هاروح دمياط مرتين مرة عشان اجيب الورق ده ومرة عشان اطابق البصمة صح كده؟
وعلى فكرة الترخيص لسة فى شهر خمسه والعربية معايا من فترة يعنى حتى شهاده المخالفات الحاليه هايبقى تاريخها انتهى وهاضطر انى اروح دمياط الاول عشان اجيب الشهادتين (هل لازم تكون العربيه معايا ) واروح تانى عشان اطابق البصمة
وهل النمر هاسلمها هنا فى السلام والا فى دمياط؟
والمفروض ابدأ الحوار ده امتى عشان الحق اخلص قبل عشرة مايو؟
معلش يا باشا طولت ورخمت عليك زياده عن اللزوم بس خير الناس انفعهم للناس