[luckyman]

عربية جبارة مرة كنت ماشى بالكورولا يمكن فوق 140 وصاحب الجيب الرانجلر خلانى اعدى بمسافة بعيدة جدا مرة واحدة ببص فى المرايا لقيت زى الوحش بتقرب بتقرب بتقرب بسرعة وكانى واقف مكانى تشششششششششو من جانبى وما هى الا ثوانى معدودة على اصابع اليد الواحدة حتى اختفت عن مرمى البصر دى حكايتى الاولى
حكايتى التانية مرة تانية عدت بغرزه جامدة وبايخة جدا الظاهر انى استفزيت راعى الرانجلر والله كنا ماشى مش اقل 60 راح جابنى وجة جنبى راح شد والعربية بالسرعة دى راحت فحططت كانة بيشد والعربية وافقة لكن المصيبة انة كان ماشى ومرة واحدة جاب غيار فحط بقوة وطار ساعتها عرفت حجمى وحجم عربيتى اللى كنت فرحان بها
بس الحكيتن دول فى السعودية فى النصف الاول من عقد التسعينات لكن كان فى مشكله الشباب كانوا بيشتكوا منها انك لما تشد بقوة على العربية خصوصا ان العربية عزمها جبار عالى وبالنسبة لوزنها وحجمها كان طلقة كانت المشكله ان وصله الكردان كانت بتتكسر ودة كان عيب قاتل ولو وقع العمود ممكن وفى اغلب الاحوال فيها وفاه لا قدر الله
كمان ليا صديق قلب بها وهو داخل صنية او دوار يعنى ميدان واسع اوى كان دة فى جدة شارع ولى العهد مع الاندلس غير كان فى حوادث انقلاب متعددة وبرغم انها مزودة بعجلات ضخمة الا ان دة مش يمنع سرعة قلبها ويساهم بذلك قاعدة عجلاتها القصيرة المسافة بين المحور الامامى والخلفى الامور دى للاسف كانت بتحد من قدرتها الهائله ولكم منى كل الشكر والاحترام ودمتم