المشاركة الأصلية كتبت بواسطة luckyman
انا يا باشا مكنتش بنام وطول اليوم بنزل اتخانق وواقف ورا الشباك بمفتاح جهاز الانذار وانزل اتخانق مع الناس لانى كنت بشوف ناس وهى بتركن قدمها ووراها مسافات كافية لكن خلاص اتعلم يفضل يرجع يرجع يرجع لغاية ما يخبط وساعات مش بيحسوا انهم بيخبطوا عربيتك وهو بيركن ومش يرتاح الا لما يكسر الكلبس بتاع الاكصطدام والله العظيم قله حيا وقله ادب لغاية ما كنت يجيلى انهيار عصبى حطيت العربية فى جراج راح البواب كسر الفانوس وهو بينقل خشب وشوية زباله رحت طلعتها برة تانى يجى بتاع السوبر ماركت ويركن العجل بتاعة عليها الغريبة ان الناس سلبية محدش بيتكلم الناس اللى بتعمل كدة وتخاف على عربيتها هى الصح والوضع التانى هو الغلط لكن الناس بتشوفنا اننا مجانين يعنى اجيب عربية بدم قلبى 75 الف جنية ونتيجة عدم احترام وقله ادب وذوق وبكل سهوله يجى حد يجرح او يشوة عربيتى اقل خبطة تكلف الشىء الفولانى غير ان العربية مش عايز يتلعب فيها ويضيع منك طعمها الجديد يعنى اى حد لو ضاع منة 10 جنية ممكن يزعل ويقلب الدنيا شوف بقى لما عربية اسثمار بالالوف وبكل استهتار تتشوة مش نتيجة غلط او غصب عن شخص ما نتيجة انة جاى من بيئة مش كويسة ومش متحضر ويغرمك تبقى عايز تنزل وتدية على قفاة لغاية ما ياخد درس يحترم ممتلكات الاخرين وشكرا واسف على الاطاله
|
انت عندك حق بس لو فضلت كده حاتخسر اللى اهم من العربيه حاتخسر صحتك واعصابك بسبب ضغط الدم والناس كده كده عندها بلاده متناهيه يمكن يكون بسبب طبيعه الاكل بتاع اليومين دول وبيتلززوا بمضايقه الغير دا غير الحديد اللى فى الشارع واللى لما الحى يجى يزيله يرجعوا يركبوه تانى يوم وكأن الشارع من املاكهم فعلا سلوكيات البشر ماينفعش معاها غير العربيه السترويين بتاعه زمان والا التونس او404 البيجو مش الصاج البلاستيك بتاع الايام دى لان لوعايز تحافظ على عربيتك مع كل كحته حتبات كل يوم عند السمكرى واسف على الاطاله