[خالدخليفة]

المشاركة الأصلية كتبت بواسطة xahmedfaragx شوفوا ياجماعه كم اخ عزيز رد ومعرفناش نطلع عربيتين او تلاته من الحديث صاجهم قوى ويستحق اللى مدفوع فيهم دا يدل على ان شركات السيارات بتنصب وتوفر وتدينا عربيات تقعد على الاكثر 5 سنوات وتبقى عايز تغيرها طب شوفوا البيجو504 لسه عايشه لحد دلوقتى وفى منها شكله عروسه وهى بقالها 30سنه هل اى عربيه اليومين دول يقدر يقعد ربع هذة المده

يااستاذى الفاضل المسالة فى الفكر اللى بيحكمنا يعنى حضرتك عايز تشترى عربية صاجها قوى ليه؟؟؟؟
هتقول علشان تعيش يعنى ايه تعيش لو عربية ورق او كرتون طالما انت مراعيها هتعيش لكن كلنا نظرتنا للاسف ساعة الخبطة لاقدر الله تكون التلفيات بسيطة والكلام ده لان مصر هى الدولة رقم 1 فى العالم نسبة الحوادث فيها 30% يليها موزمبيق 12% شوف الفرق بيننا وبين موزمبيق اللى حالتهم على ادها اد ايه سعادتك لو بتدور على المتانة اشترى 1300 عربية رخيصة واخر موديل ليها تقريبا 1965 ولو خبطت فى السد العالى تهده علشان كده مفيش منها فى اسوان هههههههههههه
انتهى عصر المتانة لانها تكاليف بلا قيمة لان احنا اللى بنحافظ على الحاجة مش نجيب حاجة متينة علشان نمشى نخبط فى بعض دلوقت عصر السرعة والجمال والفخامة
وطبعا لا انكر ان ارتفاع التكاليف بالاضافة الى المكسب اللى لايقل عن ضعف تكلفة العربية بالاضافة الى اننا بنستورد كله مبننتجش وقلة دخل الفرد عندنا كل ده بيخللى العربية تمنها غالى يعنى ال100 الف جنيه اللى بتقول عليها دى بالنسبة لاوروبا 15 الف يورو اى مايعادل 15 الف جنيه بالنسبة لمستوى الدخل هناك وبالتالى اى حد يركبها لكنها بالنسبة لنا 100 الف فوق طاقة كتير من الناس
ارجو انى اكون عرفت اوضح وجهة نظرى لحضرتك