السلام عليكم
ازيكم يا جماعه يارب تكونوا بخير ان شاء الله
مش هطول عليكم
اللى حصل ليا ان انا عربيتى "جيب شيروكى 94" مفيش فيها عوامة بنزين لانها ناقصه و مفيش فى السوق غير الصينى واحنا مش مركبين الصينى نظرا لاراده والدى اللى هوا صاحب العربيه
فأنا ماشى بيها من غير عومه خالص و لانى مش بنزل بيها كتير فكل فتره مثلا بفول للاخر و اسيبها
اللى حصل بقى ان العربيه كانت بقالها فتره عند الكهربائى بيظبط فيها حاجات و لسه جايه امبارح وانا النهارده الصبح اخدتها اروح بيها الكليه وانا ماشى حسيت ان صوتها مكتوم اووووووى و عالى جدا فى نفس الوقت وكنت حاسس انى راكب دبابه اجيب اول او تانى او تالت برده الصوت عالى و مكتوم و مزعج جدا
المهم وصلت الكليه و ركنتها وسيبتها و بعد الكليه روحت كام مشورا من غير العربيه و باليل روحت اخد العربيه من قدام الكليه جيت ادور دارت كويس بعد كده بطلت دورت تانى دارت بعد كده برده بطلت تانى واكتر من مره على الحال ده علما بان الانورا و الكلاكس كله شغال يعن مش عيب بطاريه خالص
بعد كده دورت و دوست بنزين جامد فدارت و مبطلتش المره دى سيبتها شويه تسخن و ابتديت امشى واحده واحده رايح البيت والمسافه مش كبيره بين البيت و الكليه لقيت برده الصوت مزعج
و فى لحظه من اللحظات وانا ماشى على التانى حسيت ان العربيه هتقف عماله تهدى خاااااالص بارغم انى دايس بنزين و سمعت زى صوت خبط من تحت العربيه
فدوست بنزين اووووووووى و كملت الحمد لله لحد البيت بسلام وقفلتها و طلعت البيت متوجه للكمبيوتر لاعرض لكم مشكلتى
فهل كل اللى حصل دده نتيجه ان البنزين خلص ولو روحت فولت الامور هتتظبط وترجع زى الاول ولا فى مشكله عندى تانيه؟
ارجوكم افيدونى انا اتخنقت دى العربيه بتقعد مع الكهربائى و الميكانيكى اكتر ما بتقعد معايا ptmnlo123per195