المشاركة الأصلية كتبت بواسطة mmsoaa
الحمد لله ربنا اكرمنى بعربيه ماتريكس2010 العربيه تقفلها ردىء جدا
الصالون قطع البلاستك الموجوده وحشه جدا
الكلاكس بيعلق
فى صوت صفاره لما بتعلى مروحه التكييف على4
الانزار علق والار بى ام اوقف والساعه اتلخبطت وكل ده بسبب الفيوز مش متركب للاخر واكتشفت الموضوع ده بعد ما اعصابى باظت
الصاج لو مسكته بادك يطبق
الحمد لله على كل حاجه على فكره العربيه عمله 800 كم
|
على فكرة ربما بعض مواد الداخله فى التصنيع رديئة لكن لو جت على الكلاكس والفيوز فهذة مشاكل لا تذكر معلش انما من ناحية الصاج فاعتقد انة هو هو نفسة مفيش تغير وبالنسبة الى التابلوة هو فعلا مصنوع من مواد بلاستكية صلبة وليست باهظة او خامة ثمينة لكنها متينة ودة طول عمر الماتريكس كدة
بس كنت عايز انبية لحاجة مش فى بس الماتريكس اى موديل لما بيعجز خط انتاجة او فى اخر سنة او ايامة بيكون انتاجة مش مقفل كويس لان اى موديل بينزل جديد بينزل بجودة عالية علشان خطوط الانتاج جديدة وماسكة نفسها الخ وكمان التجميع المصرى الشبلونة بتكون صح لكن مع السنين الخط بيقدم دة مش بس فى التركى قس على ذلك كل سيارات العالم تقريبا الا القليل ما عفا الله حتى اليابانى وتويوتا كمان من زمان كدة انا كنت ملاحظ الموضوع دة من زمان اوى وكنت فى السعودية اول سنة لظهور الموديل والانتاج بيطلع ماسك نفسة وقوى تعالى مثلا وجيب لانوس 1998 من 12 سنة وافتح البا واقفله واسمع الصوت ودقة التجميع والعفشة مش بتهلط بسرعة وجيب لانوس 2010 لسة زيرو وشوف الفرق كانى بتكلم عن عربية تانية خالص ديما تجنبوا الموديل فى اخر ايامة حتى للماركات القوية والمشهورة ولو كانت نيسان وتويوتا وبالذات فى السيارات ذات الانتاج الضخم
لكن تلاقى الموضوع دة مش موجود فى بعض المصانع اللى مش بتنتج بشكل ضخم جدا