اشتريت تويوتا كورولا 2005 ومحتاج اراء ومساعدات الاعضاء في " المشاكل و الثبات و قطع الغيار وغيره "
انا الحمد الله انضميت لعائلة تويوتا النهاردة الحمد الله خلاص 
الحمد الله النهاردة اشتريت عربية تويوتا كورولا 2005 ورحت كشفت عليها في التوكيل في اسكندرية وريحت دماغي ومواصفتها كالتالي :
- العربية اول يد موديل 2005 ماشية 45000 كم اللون شامبين فابريكة دواخل وخوارج كاملة اوتماتيك 1300 سي سي .
--وكان راي التوكيل ان العربية لا تحتاج الا ل 4 فرد كاوتش وتغير جميع الزيوت والفلاتر كصيانة ال 40 الف كم .
بالنسبة للاستفسارت الي عندي بقي واتمني الاقي اجابتها عند حضارتكم :
1- اية هو افضل نوع ومقاس كاوتش مناسب ؟؟
( لان في ناس كتير نصحتني للتغلب على عدم ثبات السيارة بالجنوط مقاس 15 او 16 مع كاوتش عريض ياريت الي جرب نوع ومقاس معين يقولي علية )
2- هل في طريقة فعلا لعلاج عدم الثبات دة ؟؟ ياريت لو في تجربة
3- فين اماكن الورش الكويسة ومراكز الصيانة المتحرمة ؟
( ياعني ياريت لو حد بيتعامل مع مركز صيانة محترم او ميكانيكي خبرة بالموديلات دي ويكون اسعارة معقولة ).
4- ياريت كل الناس الي جربت و ركبت العربية دي يقولوا على المشاكل الي واجهتهم وكانت اية الحلول .
أخر طلب بقي وانا عارف انه متعب شوية
انا اتمني ان حد يساعدنا في عمل تقرير شامل عن اسعار جميع قطع الغيار للتويوتا كورولا 2005 من ( اجزاء ميكانيكية - كهربائية - عفشة - صاج - اكسسوارات ) سواء جديد من التوكيل او برا التوكيل او الاستيراد ( استعمال الخارج ) .
وشكرا جزيلا لجميع الاعضاء الي حيشاركوا بالمعلومات ويرودوا او يقروا الموضوع .
التعديل الأخير تم بواسطة zizophone ; 17-03-2010 الساعة 03:06 AM
|