رد: الفا روميو ... ((( Alfa Romeo 8C competizione ))) ..... الاسطوره تعود بقوه
مستر سام و كالعاده المواضيع المميزه ..... بس انتا جيت على الجرح يا سام .................. انا نفسى و لو حتى لمره واحده فى حياتى اقتنى تحفه من تحف الفاروميو ........ المشكله مش عارف لو اشتريتها حسوقها ازاى و اخد بيها مطبات ... احتمال من كتر خوفى عليها ابات جواها . بس ان شاء الله من اهدافى المستقبليه امتلاك الفا 156 .
الفاروميو 8c تعتبر فعلا اسطوره من اساطير السيارات السوبر رياضيه الايطاليه " بالرغم من انها مش اقوى او اسرعه سياره رياضيه فى ايطاليا " . بس كان فى اهتمام كبير جدا بادق التفاصيل فى تصميمها و ادائها و مواصفاتها الفنيه و الميكانيكيه . لدرجة انهم طورو من محرك الميزاراتى " الاكثر من رائع " ال v8 4200 cc لدخلو تعديلات عليه ليصبح 4700 سىسى لينتج طاقة خرج 450 حصان بدلا من 400 حصان .
و شركه الفاروميو فضلت انها تخلى ال8c فى انتاج محدود جدا " 500 سياره +500 سياره مكشوف سوف تطرح فيما بعد " لزياده قيمتها المعنويه ... لدرجة ان السياره اتحجزت بالكامل قبل تصنيعها .
سيرجيو ماركونى رئيس مجموعة فيات كان من المحظوظين بامتلاك نسخه منها .
ليه فكرتنى بالفاروميو تانى. ده انا كل ماشوف ال156 فى الشارع بيجيلو حاله من الذهول " لحد انهارده " من جمال تصميمها .
الف شكر على الموضوع الرائع ده سام و مستنين مزيد من التألق .
__________________
THE ELEGANT ALFA ROMEO 156 AUTO DELTA 3.7 GTA - AM SUPER The Most Beautiful & Powerful Front Wheel Drive Car Ever Made - 400 Horses Power - From 0:100 Km\h in4.8 Sec & Top Speed 290 Km\h
|