السلام عليكم
ازيكم يا بيجوهاتية , عندى استفسار مجننى ومش عارف اعمل ايه
اولا انا معايا بيحو 405 مو 95 1600 cc
وللة الحمد العربية كويسة معايا وحالتها حلوة , لكن ..... ما يؤرقنى ومطير النوم من عينى ومجننى هو انى بسمع وانا سايق صوت شخللة ورا فى منطقة الباب اليمين الخلفى والرف الخاص بالسماعات
ودوخت بين 3 صنايعية ( السروجى والسمكرى وبتاع الابواب ) وكل واحد يرميها على التانى
اروح للسروجى يقولى الشخللة فى الباب روح لبتاع الابواب
اروح لبتاع الابواب يفك الفرش ويركبة ويحسسنى انه عمل اختراع والاخر نلاقى الصوت موجود يقولى دا عيب سمكرة والباب مش مظبوط
واخيرا روت لسمكرى وظبط الابواب رغم عدم اقتناعى بالموضوع ولكن الصوت مستمر
واخيرا زات صوت شخلله جديد فى منطقة التابلوة وبرضو مش عارف احدد مصدرة
انا خلاص حتجنن وكل شوية افتكر فيلم اسماعين ياسين فى مستشفى المجانين ... لما كان بيقولة سامع حاجة يقولة لا .. يقولة مهو دا اللى مجننى
المشكلة انى سامع ومش عارف اوصل لحل
:craz yW14:
معلش طولت عليكم .. بس كنت محتاج افضفض
ياريت لو حد يعرف حاجة عن الموضوع دة يقولى .. او لو يعرف مين الصنايعى المختص يقول
وشكرا