المشاركة الأصلية كتبت بواسطة amir_lutfi
انا كمان كنت بفكر اجيبها بس قلقت لما سمعت موضوع المطالع ده
|
يا جماعة مطالع ودورانات إيه بس الي تخليكو ماتجيبوش العربية دي ... الناس هنا بتتكلم عن العربية وهي لسة جديدة طبيعي يكون سحبها أقل من العادي بتاعها عشان لسة الموتور بيلين وعشان كده زي ما الناس بتنصح وزي ما الكتالوج بتاعها بيقول أقصى سرعة توصلها في أول ألف كيلو أقل من 90 وماتشغلش التكييف عشان الموتور الجديد لسة مايستحملش فطبيعي كمان يبأة السحب بتاعها مش أد كده وبالذات لما يكون في مطلع أو دوران ... إنما بعد كده عادي جداً الموتور بيبدأ ياخد قوته كلها وتمشي بالعربية وتسحب زي ما إنت عايز ، بالعكس ده أكبر ميزة في النيو أكسنت هي قوة موتورها وسحبها الجبار مافيش عربية في التمن ده بالقوة دي ...
ده غير إني أنا شخصياً عن تجربة أنا لسة جايب نيو أكسنت 2010 سبور وطلعت بيها على مطلع بدوران بتاع المحور وكانت معقولة أوي معايا في السحب وما شاء الله ماحستش بالنقطة دي أبداً بس أكيد هي سحبها لسة مش بالقوة المعروف عنها للأسباب الي قلتها من شوية ...
إنما إنكم تفكروا ماتجيبوهاش أساساً عشان سبب زي كده فده تفكير مش منطقي أبداً ... فكروا كويس وبلاش القرارات السريعة الي مبنية على حاجة ممكن تكون غلط أو فيها سوء فهم منكم ...
العربية بجد حلوة وأنا مش بقنعكم بيها لأي سبب لإني ماليش مصلحة في ده ، بس أنا فعلاً بعد تعب ومجهود ولف كتيييييير مع الناس أو على النت وفي المنتديات لقيت إن دي أحسن عربية ممكن أجيبها بالفلوس الي كانت معايا ودي وجهة نظر يتفق فيها معايا كتير ... بس مستخسر إن حد تكون عاجباه العربية ويبعد عنها فجأة لأسباب هلامية مش حقيقية أبداً ...