[خالدخليفة]

لازم تغير العنوان فى البطاقة و دى لفة شوية يعنى هتجيب عقد ايجار برانى وتعمل له اثبات تاريخ وبعد كده تروح السجل المدنى تغير العنوان فى البطاقة بناء على عقد الايجار او تطلع بطاقة جديدة اول مرة وتكتب عنوانك قاهرة وخلاص وطبعا الكومبيوتر طالما اى بيانات اتغيرت مش هيكتشف البطاقة القديمة ولو اكتشفها هاتلهم عقد الايجار اللى قلنا عليه بعد اثبات التاريخ وتقدم الورق وتستلم البطاقة فورى ب75 جنيه او عادى ب15 جنيه بعد اسبوعين وبعد كده تاخد البطاقة بالعنوان الجديد على المرور ممكن يضايقوك لو حبيت تعمل تغيير عنوان فى البطاقة وتقوللهم انا لسه ساكن جديد ووصل النور مش باسمى هيطلع معاك شيخ الحارة يستعلم عنك تعرف شخصيته وتستناه بره وتديه 20 جنيه هيظبط لك الدنيا وتاخد البطاقة الجديدة وتكمل على المرور وبالتوفيق ان شا ء الله بس لما تعمل عقد الايجار اعمله 8 سنين فقط علشان اثبات التاريخ لان اكتر من كده هيقوللك محكمة وصحة ونفاذ وشغلانة