والله يا جدعان الرخصة دى مشكلة فى كل حتة
انا عايش فى الكويت و لما جيت اطلع الرخصة لقيت اصحابى كلهم بيسقطوا اقل حاجة مرتين تلاتة على ما يطلعوها و كل مرة و التنية بينهم شهر او اتنين ..دا غير ان كل مرة بمصاريفها حوالى 20 دينار (حوالى 400 جنيه) ايجار عربية و طابع و حاجات كدة ... ده طبعا غير حوالى 1000 جنيه مصاريف ثابتة ... المهم الحمد لله لقيت واسطة و رحت طلعتها من اول مرة
و انا بطلعها العسكرى اللى بيمتحنى لقى الواسطة ماضى على الورق ... قالى انت اهلاوى ولا زملكاوى ؟ قلت له مليش فى الكورة ... قالى لا قول .. قلتله اهلاوى ,, قعد يشتم فى الاهلى و يمجد الزمالك .. قلت له يا عم الاهلى ده ابن ستين .....
قالى يلا خلاص ناجح .... ههههههههههههههههههههههه
و هنا برده يا واسطة يا فلوس
بس ال
قوى حوالى 7000 جنيه و فيه اسعار اقل من كدة ,,, انت و حظك بقى
و هى غالية هنا لأن القانون اصلا بيحط شروط صعبة جدا للحصول على رخصة (خاصة بالوظيفة و المؤهل و المرتب )و بعد ماتعدى الشروط دى عيش بقى مع الامتحان العملى ....
النكتة بقى لما جيت اطلع الرخصة فى مصر (او بمعنى اصح اعمل استبدال للرخصة الكويتى برخصة مصرى) قالولى لازم امتحن نظرى ... المهم شفت واحد معرفة بعتنى مع فراش
و الراجل جاوبلى على اسئلة الكمبيوتر من غير ما اجاوب انا و نزلت اتصورت و خدت الرخصة المصرى و قلت للفراش ماينفعش اخد الرخصة الكويتى ؟؟؟؟ قالى ممكن يا بيه اتفضل اهه و طلعهالى من جيبه فا اديته عشريناية كان هيطير من الفرح
بس ده كان من خمس ست سنين كدة
و هكذا سقطت لويز
و لعلمكم مصر اسهل كتييييييييييييييييييييييي ييييييييييييييير و ارخص كتييييييييييييييييييييييي يييييييييير فى تطليع الرخصة من دول تانية كتير