رد: ارغب فى شراء سياره مكروباس 14 راكب
كده تمام يا باشا
بص اولا الجزء اللى انا متأكد منة بخصوص موضوع التقسيط /
نظام التقسيط شبه موحد فى كل المعارض او التوكيلات لانة معتمد على البنوك والبنوك شغالة وفقاً للقواعد اللى بيحددها البنك المركزى
علشان كده انا بنصح دايما اللى بيدور على تقسيط بنكى تكون اول خطوه ليه مع البنك مباشرة لان فى النهاية انت هتتعامل مع البنك مباشرة وعلشان تتفادى اى تلاعب من المعرض
الخطوات المفروض تعملها
اولا تاخد عروض اسعار معتمدة من المعارض او التوكيلات بالعربية اللى انت هتشتريها
ثانياً تاخد عروض الاسعار دية وتقدمها للبنك (هتسأل فى اكتر من بنك طبعا لحد ما تشوف افضل نظام)
وبعدين بتحدد للبنك انت هتقدر تدفع مقدم قد ايه
لازم تدفع مقدم على الاقل 10% وبعدين بيتحسب المبلغ الباقى (وده نفسة المبلغ اللى البنك هيأتمنك عليه)
وبتقدم للبنك الاوراق الخاصة بيك لبحث امكانية اعتماد ائتمان البنك للمبلغ
طبعا الورق ده بيشمل (صورة البطاقة واثبات محل السكن وبتتسأل اذا كان عندك حسابات بنكية او فيزا سابقة وبيتكشف عليها وطبعا اوراق اثبات ضماناتك عقود مليكة ومالى ذلك
بعد ما تقدم الورق ده للبنك البنك بيستعلم عنك وبيدرس يقدر يعملك ائتمان بمبلغ قد ايه وبعديها بتاخد الرد من البنك انة يقدر يسد عنك مبلغ لحد كذا وتسددة بالنظم كذا كذا
اما بخصوص التراخيص فاللى اعرفة (لكن مش متاكد تماما) ان التراخيص الاجرة موقوفة تماما فى القاهرة والكلام ده من زمان ومفيش اى اشعارات باعادة فتحة قريب واللى بيحب يرخص بيرخص محافظات
حالياً اللى ماشى جدا فى القطاع ده الميكروباصات الصغيرة (زى السوزوكى) بتبقى 7 راكب تقريبا وسعرها بسيط وبتترخص ملاكى عادى وبيشغلوها اجرة فى الاحياء السكنية ذات الكثافة العالية زى المطرية عين شمس المرج امبابة الخ الخ وشوفتها فى المحافظات كمان كتير اوى
ياريت اكون قدرت افيدك ولو فيه اى استفسار تانى تحت امرك
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|