رد: اهلا و سهلا بالعضو رقم 40000 :)
طبعا مش غريبة عليك يا حازم تكون من المهتمين بكل ما يجد فى المنتدى حتى اكتر منى انا نفسى لان المنتدى ده ملك اعضائه دائماً مش ملك مؤسسيه وده مبدئنا دايماً الحمد لله
علشان كده انا بعتبر ده نجاح لاعضاء الموقع والمشاركين فيه انهم قدرو يجذبو اهتمام ومتابعة 40 الف مهتم بالسيارات فى اقل من سنتين بقيمة مشاركاتهم وردودهم وتفاعلهم الراقى والمفيد مع كل الاعضاء
لكن بالرغم من قيمة عامل عدد الاعضاء ودلالاته فقيمة المحتوى اكبر واقيم من العدد وزى ما كنا بنقول زمان والمنتدى مش فيه الف عضو لسه بنقول وهنفضل نقول عضو واحد بيشارك بجدية ومسئولية افضل من مليون عضو داخلين لاغراض شخصية
واعتقد ان ده واحد من اسرار نجاح مصر موتورز وهو اهتمامنا بالمحتوى لابالعدد
موضوعات مميزة لا موضوعات مكررة حوارات جادة مش رغى للرغى وجدال للجدال نخبه اعضاء لاشله مدمنين انترنت = مصر موتورز
مصر موتورز اتسجل كاسم على الانترنت فى 20 مايو 2008 وبداء فعلياً فى منتصف شهر 7 فانشاء الله لو فضل معدل تسجيل الاعضاء على نفس المستوى متوقع نوصل على نهاية السنه التانية ل 50 الف عضو ان شاء الله ده بالاضافة للخطة الموضوعة لتطوير الاقسام الحالية واضافة اقسام جديدة هنعلن عنها فى نهاية السنه ان شاء الله
فزى ما الناس اديتنا الثقة ديه لازم نكون قدها ان شاء الله ونطور دائما ونقدم مايليق بنخبة الاعضاء ومايليق باسم مصر ان شاء الله
شكراً ليكم جميعا واهلاً بكل المصراوية فى اسره مصر موتورز
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|