الموضوع: وأخيراً نيو أكسنت "سبورت" ونولت
عرض مشاركة واحدة
  #41  
قديم 10-03-2010, 08:27 PM
الصورة الرمزية ESL NSR
ESL NSR ESL NSR غير متواجد حالياً
التخصص العملى: مهندس اتصالات
  
تاريخ التسجيل: Dec 2009
الموقع: عايش في بيتنا
المشاركات: 163
ESL NSR is a glorious beacon of lightESL NSR is a glorious beacon of lightESL NSR is a glorious beacon of lightESL NSR is a glorious beacon of lightESL NSR is a glorious beacon of lightESL NSR is a glorious beacon of light
افتراضي رد: وأخيراً نيو أكسنت "سبورت" ونولت ...

المشاركة الأصلية كتبت بواسطة Ahmed_lol2007 مشاهدة المشاركة

مبروووووووووووووووووووووو وووك يا باشا
ربنا يديك خيرها ويكفيك شرها بس نصيحة جيب حاجة وادبحها عليها عشان العين
أو طلع حاجة لله واللى عند ربنا ما بيروحش
الا هيا ايه الوصلة دى؟
الله يبارك فيك يا أبو حميد ، أكيد إن شاء الله هيطلع عشانها حاجة وربنا يبارك فيك يا باشا ...
الوصلة دي يا باشا هي كابل بيركب في الكاسيت ويطلع منها Female USB وتركب منها Male USB الي هو الكابل الي بييجي مع الموبايل وبعد كده طبعاً في الموبايل وتشغل الي إنت عايزه بعد كده من الموبايل على كاسيت العربية ...



المشاركة الأصلية كتبت بواسطة dodix مشاهدة المشاركة

مبروك ياباشا ع العربية والله انت اول واحد اعرف انه استلمها وانا بحبها قوى انت املنا الوحيد بعد ربنا عشان تطمنا ع العربية ومبروك كمان مرة وربنا يبعدك عن شرها ويديك خيرها وتركب مرسيدس قريب
الله يبارك فيك يا باشا ... وإن شاء الله أطمنكم عليها قريب وانطباعي الأول عنها إنها عربية حلوة والتقرير المفصل أكيد بعد ما أمشي بيها شوية بعد الترخيص وكمان بعد الألف الأولى عشان تبأة العربية بكامل إمكانياتها ويبأة الموتور فاق شوية ، وده مايمنعش إنها دلوقتي بردو الحمد لله كويسة جداً ...




المشاركة الأصلية كتبت بواسطة fars2000 مشاهدة المشاركة

الف مبروك يا برنس ربنا يباركلك فيها ان شاء الله ويكفيك شرها على فكرة انا كمان ربنا كرمنى بواحدة زيها من حوالى عشرين يوم والحمدلله مبسوط منها قوى بس هو عيب واحد تعبنى قوى وهو ضعف سحبها فى أى مطلع ومش عارف السبب ولى سؤال هل صيانة الألف أو بعد شهر أيهما أقرب يعنى أنا قربت على الشهر بس العربيه يدوب عامله 500 ك فهل بعد الشهر بالضبط أروح ولا أستنى الألف ,اكرر شكرى ومباركاتى وبالتوفيق لينا جميعا يارب
الله يبارك فيك حبيب قلبي أول زميل ليا ... وربنا يباركلك فيها ويحفظهالك من شر العين وشر الطريق ...

المشكلة في موضوع المطالع ده إني لسة ماجربتهاش كتير ، بس طلعت فيها على مطلع المحور بتاع ميدان لبنان وكانت كويسة معايا وسحبها معقول جداً ...
بس خلي بالك بردو من نقطة مهمة الموتور لسة جديد وبيلين فماتتخضش أوي من حاجة زي كده واصبر عليه شوية هيفوق بعد أول ألفين كيلو أو خمسة زي ما ناس كتير قالت وزي ما الكاتالوج بتاعها بيقول ...

بالنسبة لصيانة الألف هي فعلاً بعد أول ألف أو الشهر أيهما أقرب ، وأكيد أحسن حاجة إنك تحاول تجيب الألف بيها مع الشهر عشان تبأة استهلكتها كويس وتظهر أي حاجة ممكن تكون فيها وتحس بقيمة الصيانة الأولى دي ، أنا شخصياً هحاول أعمل كده إن شاء الله على أد ما أقدر ...

ومرة تانية ألف مبروك ليك إنت كمان ويارب يباركلك فيها ...
__________________

*/\/\/*
=========*/\/\/*
*/\/\/* No Need 4 Speed */\/\/*
=========*/\/\/*
*/\/\/*
رد مع اقتباس