المشاركة الأصلية كتبت بواسطة أبو عبد الرحمن
أيوة طبعًا الإدارة مش مسئولة مقلناش حاجة
بس أنا قصدت من الفكرة دي إن لو واحد خبرته قليلة في أمور الصيانة دي وبدل ما يقعد يجرب كل من هب ودب ، بدل ده ممكن يروح لواحد موثوق فيه يكون حد جربه قبل كده وتعامل معاه ووثق فيه وفي أمانته
أصل أنا يا ما انتفخت من الصنايعية للأسف عشان مكنش حد بيدلني على الكويس وكنت بروح لأي حد وخلاص لحد ما صرفت أكتر من 9000 جنيه على عربية (ماتيز) بسبب قلة الخبرة لحد ما اتورطت مع شوية حرامية !!! طبعًا 9000 جنيه مبلغ ضخم بالنسبة لعربية سعرها لا يتجاوز 29000 وقتها بس الواحد مش بيتعلم ببلاش زي ما بيقولوا
|
اخي الفاضل أبو عبد الرحمن
دي اول مشاركة ليا في المنتدى الجميل ده والله ينور الصراحة الناس عامله شغل جامد هنا
وعندي سؤال لحضرتك هما التسع تلاف اللي صرفتهم على الماتيز دول صرفتهم في ايه بالتفصيل
وأنا بسأل عشان أنا عايز اشتري واحدة لبنت اختي ةهي شبطانة فيها مش عارف ليه ...
أرجوك افدني بالتفصيل ويار يت تعمل موضوع مستقل عن العربية دي ...
مع الشكر ...