[khaled al sharif]

المشاركة الأصلية كتبت بواسطة ice_wolf احب ارد على التهكم عليا دا يعتبر تهكم شخصى عليا وليس احد اخر ومش معنى ان غلطت فى كلمة اوحرف علشان مركزتش فى كتابتة الجملة ولا ختلاط عليا الامر Web design والاسلوب الغير محترم غير من بعض الاعضاء واللى انا بكن لهم الاحترام واعرفهم على المستوى الشخصى واللى اتناقشوا باسلوب محترم فلهم منى كل الشكر اما الفئة الاخرة اللى داخل ينتقد الموضوع وييتهكم عليا وويغلط فيا فاحب اقولة انت شخص غير محترم وغير جدير بالرد عليك دا غير اللى بيقول المنتدى يفوت 100 جمل احب اقولة انت تخطيت مرحلة قلة الذوق والادب وان طلع العيب من اهل العيب ميبقاش عيب وانا كنت بالفعل مجهز بعض التصميمات وكنت ناوى اعرضها اليوم على مصمم المنتدى وهو فى سبيل التطوير ولاكن بعد النقد الغير بناء اللى حصل فا انا بعتذر من عمل ذلك وليبقى شكل المنتدى كما هو حيث وضح البعض انة جيد دا غير انا معرضتش الموضوع غير بطريقة محترمة بعكس باقى الردود على مشاركتى وكل الموضوع انا بعرض وجهة نظرى فى الشكل القابل للتغيير وياريت بلاش توضيح الانتماء والكلام دة لانى اعرف المنتدى من اكتر من سنة واترك الموضوع للادارة للحكم فى مشاركات التهكم التى حدثت اثناء ابداء راى

1 - بص حضرتك الفكرة مش مصادرة رأيك حتي لو كان رأيك ده قاسي أو غير منصف ... الفكرة إنك لما تقول إن فيه عمل غير جيد لازم تقولنا فكرك إلي وصلك لكده ... وده معناه إن فكرك ده أكثر رقيا وتطورا أو مبني علي خبرات لا يمتلكها المنتدي أو أن القائمين علي المنتدي ... مش شايفين شغلهم كويس أو دي حدودهم الأخيرة

2 - تاني حاجه اعتقد إنه من اللياقة عدم إستخدام ألفاظ قد يترتب عليها تشويه صورة الموقع ... يعني لو أنا عضو جديد وجاي أزور المنتدي ... وبعدين ألاقي واحد من أعضاء المنتدي وليه 100 مشاركه بيقول المنتدي ملعبك وكله عك ... أنا كذائر جديد ... مش هاكمل وها أظن المنتدي غير منظم وغير مفيد ومضيعة للوقت

3 - الألفاظ إما لها تأثير سلبي أو إيجابي وده إللي علمهونا الدين ... كلمة تلقي بدون بال من سخط الله تدخل الإنسان جهنم 70 خريفا وكلمة تلقي يوفق ليها الإنسان بفضل الله تدخله الجنة 70 ربيعا ... إذا الكلمة كما يقول ( ديلي كارنيجي ) قد تشعل النار في كبرياء الإنسان وتستفز سلسلة لا نهائية من الأفعال وردود الأفعال

بخلاف ذلك يمكنك أن تنتقد بحيادية وبدليل وببديل .... وأهم من ذلك كله بمحبه وبرغبة حقيقية في المساعده

4 - وأنا ضد التسرع في إصدار الأحكام حتي لوكانت علي نوعية زيت أو وكيل صيانة أو شركة ... لأنها عندي في النهاية إما سمعة شخصية أو سمعة تجارية ينبغي الحفاظ عليها وسنسأل عنها يوم القيامة .... ويحضرني هنا قول لسيدنا مالك إبن دينار حين كان يصعد المنبر ليخطب في الناس ...( يقول أو تظنون أني أفرح بخطبتي فيكم ويبكي ويقول لا والله وقد علمت أن رسول الله قال ما من خطيب يخطب خطبة إلا والله مسائلة عنها يوم القيامة ماذا أردت بها )

5 - الملخص الإحترام المتبادل ركيزة أي عمل ناجح وأسرع وسيلة للوصول إلي عقول وقلوب الناس ... انت مدين بالإعتذار للمنتدي كله ... ومن أساء إليك مدين بالإعتذار لك .... ولعلك تكون قد تعلمت من هذا الموقف فلا تتمادي فيه وقل إذا أخطأت ( أنا اسف لقد خانني التعبير وأخطأت ... ويجب علينا أن نوسع له صدرنا ونتجاوز عن زلات بعضنا بعضا

وشكرا