المشاركة الأصلية كتبت بواسطة abdo4422
متشكر جدا علي الردود
ولكن اين اجد اماكن بيع هذه الاكسسوارات والاهم من هم الافضل في تركيب هذه الاكسسوارات
وكمان خاصة اين اجد التابلوه الظريف اللي في الصورة عشان التابلوه بتاعي شكله زبالة
|
بص يا سيدي عاوز تابلوه انزل الوكاله أو عزبة شلبي ولو عاوز تشد عليه جلد يبقي عند السروجي
ولو عاوز ترشه يبقي تحل التابلوه عند الكهربائي وتروح لبتاع الدوكو يتسنفر ويترش
وطبعا عاوز سروجية هتلاقي في الحرفيين ولو عاوز سمكرية تعمل شغل الفبر (البادي كيت) عتب كساحات رموش بردو الحرفيين والفبر بتاع البادي كيت علي حسب اللي انت عاوز ويتكلف حوالي 1000 جنيه
والسروجي ينجد الفرش والأبواب ياخد حوالي 600 أو 500 جنيه
ورش التابلوه يتكلف 100 أو 150
لكن تابلوه جديد معرفش بس مش اقل من 500 جنيه ولو الضفيرة عندك مقطعة وفيها مشاكل يبقي تجيب التابلوه بالضفيرة بتاعته اما الاكسسوارات يا اما شارع دمشق ، أو التوفيقية
ولو عاوز تستفسر عن اي حاجه تاني اسأل وان شاء الله افيدك
__________________
إن الملوك بلاء حيثمـا حلـوا فلا يكن لك في أبوابهـم ظـل
ماذا تؤمل من قوم ٍ إذا غضبوا جاروا عليك وإن أرضيتهم ملوا
فاستغن بالله عن أبوابهم كرمـاً إن الوقوف علـى أبوابهـم ذل
مصرى وأفتخر
وبحبك يا مصر