رد: جنرال موتورز تلوح بإعلان الإفلاس
بجد حاجه تحزن 3 من اهم و اكبر شركات صناعه السيارات فى العالم يتعرضو لموقف زى ده
من الواضح ان جنرال موتورز تحديدا حالتها سيئه جدا انا شوفت خطاب كاتبينه و ناشرينه على النت بيناشدو دافعى الضرائب " الشعب الامريكى " انهم يدوهم قرض لانقاذ الشركه من الافلاس .
و شوفت فيديو تانى عملته جنرال موتورز بيتكلم عن ايه الى حيحصل للاقتصاد الامريكى لو التلات شركات اعلنو افلاسهم .... خسائر فى اول تلات سنين 153 مليار دولار للاقتصاد الامريكى
ملاين من الموظفين حيتسرحو عن العمل .
لازم الحكومه تدخل و تنقذ الشركات ديه لانها جزء مهم جدا من اقتصاد الامريكى
بس الشركات ديه و خصوصا جنرال موتورز و كرايزلر بيدفعو تمن استهتارهم و عدم اهتمامهم بتطوير سيارتهم " وحوش البنزين " ..... بأى منطق انتج سيارات بسعات لتريه كبيره و فى ازمه فى البترول , و غيرى من مصنعين السيارات بيعملو ابحاث و تطوير للمواتير و انتاج مواتير صغيره متقدمه تكنولوجيا لتوفير استهلاك الوقود .
انتاج سيارات فاشله بكل المقايس احجام كبيره جدا , مواتير بسعه لتريه كبيره و غير موفره فى البنزين , تصميمات سيئه , جوده داخليه لا تنافس السيارات الراقيه الاوروبيه !!
اتمنى انهم يكونو اتعلمو الدرس و يبدئو يقلدو الاوروبين فى صناعه السيارات و يتخلو عن " غبائهم و استهتارهم " فى تصنيع السيارات .
__________________
THE ELEGANT ALFA ROMEO 156 AUTO DELTA 3.7 GTA - AM SUPER The Most Beautiful & Powerful Front Wheel Drive Car Ever Made - 400 Horses Power - From 0:100 Km\h in4.8 Sec & Top Speed 290 Km\h
|