[خالدخليفة]

المشاركة الأصلية كتبت بواسطة Dr/Mohammed والله تصدق حضرتك كنت فعلا هاكلم حضرتك بس خفت ازعج حضرتك خاصه اني رحت ع الساعه واحده كده فقولت ده وقت شغل ممكن تكون حضرتك مشغول لا بس كانت الناس من بدايه طلعه كبري 6 اكتوبر لحد المعرض كانوا بيشدوا شعرهم مني عما اخش بين العربيات شمال ويمين وفي الزحمه علشان اوصل اسرع وكده اه والله كان يوم جميل وتجربه حلوه الواحد عرف طرق جديده وبجد ربنا يجزي حضرتك كل خير يارب وكل الي ساعدوني في الموضوع لمعرفه الطريق صحيح مش هايكون في مقابله جديده كده ان شاء الله قريب

ههههههههههههه ياباشا ابقى اسال اهل الخبرة فى الطرق والكبارى وانت جاى من اكتوبر تركب المحور تنزل مهندسين هيقابلك كوبرى بعد م تعدى تحت كوبرى الدائرى تطلعه وفى اخره تمسك اليمين هتلاقى نزلة ميدان لبنان ملكش دعوة بيها وادخل اليمين بعدها هتلاقى نفسك فوق كوبرى تانى كمل فيه للاخر هتنزل ادام نادى الزمالك هتلاقى ف وشك كوبرى 15 مايو اطلعه وامسك الشمال هتعدى النيل وتنزل اول نزلة يمين على ميدان عبد المنعم رياض هتلاقى كوبرى ف وشك ادخل من تحته شمال هتلاقى كوبرى تانى متطلعوش وكمل فى ميدان عبد المنعم رياض هتلاقى على شمالك طلعة اكتوبر تطلع وتنزل النزلة بتاعة الاتوستراد لان مدخل صلاح سال مقفول بسبب حفر المترو تنزل اتوستراد وكانك رايح على مدينة نصر اول ملف شمال تدخل وتدخل يمين تانى هتلاقى نفسك ادام الباب الخلفى للمعرض
معلش الوصفة متاخرة بس انا وصفتها لك بدقة بحيث متسالش حد وانت ماشى عن كوبرى اكتوبر وانا عملت موضوع عن وصف اى مكان فى مصر والطريق ليه وده الرابط بتاعه
http://www.masrmotors.com/vb/showthread.php?t=20522