رد: مطلوب شيفروليه كامارو للأهمية
متشكر اوي أوي أوي يا جماعة على الرد السريع ده والله...
على فكرة انا أحب أقولكم إن خبرتي بالعربيات مش جامدة أوي لكن كان نفسي في عربية سبور ...
ولما لاحظت إن العربية ده شيفورليه فقلت إن تمنها ممكن يبقى مهاود حتى إني تخيلت مثلاً إن لو دفعت قد تمنها تاني جمارك يبقى مش حدفع أكتر من 300 ألف جنيه اللي أنا ضبطت حسابي عليهم..
ومنكرش إن الفورد موستانج كانت عاجباني برده لكن حاسس إن شكلها بقى مستهلك ومفيهاش تجديد لفترة طويلة لكن الكامرو حسيت فيها بروز واضح للعضلات لا تمتلكه الموستانج والموستانج فعلاً على موقع كونتاكت كارز عاملة 680 ألف جنيه..
السؤال بقى دلوقتي رداً على كلام الأستاذ خالد هل الكامارو فعلاً أعلى من الموستانج.. ؟؟
ومتشكر أوي يا جماعة تعبتكم معايا
|