رد: الرخصتين اتسحبوا السير عكس الاتجاة
انا اجبلك المفيد ودى المشاركه الاولى ليا فى المنتدى
لان رخصى اتسحبت فى نفس المكان لانى ساكن فى نفس المكان وقفشونى على غفله
حضرتك تنتظر اسبوع كده تهدى فيه اعصابك وتركن العربيه
بعد كده تروح قسم الهرم
تدخل عند الحجز هتلاقى مكاتب زباله اخر حاجه هتدى المدام اللى هناك 5 جنيه تمن الةورقه اللى هاخدها منها وهيا المحضر
هتقولك الرخصه اتسحبت يوم كام لانها بتدور فى دوسيهات باليوم
هتلاقى هتقولك هات البطاقه ورح صور المحضر اللى هتلاقى انك هتدفه 1021 جنيه بالضبط
تصور وتستلم البطاقه وتغادر قسم الهرم اللعين القذر
وتتجه الى مرور فيصل هتقولى لسه مع ان انا مرور الدقى هقولك هو كده وخلاص
هتلاقى عسكرى لابس مدنى وخداه الجلاله وواقف قدام باب حديد
هيدخلك عند موظفين قاعدين على كمبيوتر تكون حضرتك محضر 1021 جنيه وتاخد ورقه بيهم وتنتظر البيه لما يجبهالك او من الاخر هياخد فلوس ويقولك اطلعهالك بسرعه قولوا اشطه وريح دماغك من الحر مع انى مش معاك فى كده لان دى رشوه
المهم تنتظر وتاخد الرخصه ومدبسه 10000000000 دبوس متنفعش ببصله وهتلاقى معاها رخصه السواقه كمان
تاخدهم تنظفهم بمعرفك بقا
تقبل احترامى
|