[hazem_khidr]

مرفوعه
لدواعي السفر
حاله شاذه
استعمال طبيب
استعمال سيده

كل دا كلام بيطلقه عارض الاعلان علشان يحسن من شكل عربيته
و كأن مثلا العربيه المرفوعه دي لسه زيرو و ما وقفتش في الجراج فتره لحد ما الرطوبه اكلتها او الفران
و العربيه لدواعي السفر محسسني انه مسافر مش راجع و مش حيركب عربيه تاني
و العربيه الشاذه بقي من الكلمات اللي تحسسك ان الخواجه لسه عامل العربيه حالا و هيا طالع عينها
و استعمال طبيب دا بقي من اكتر الكلمات المستفزه و كأن العربيه دي زي كليه الطب محتاجه مجموع عالي
علشان تسوقها مثلا !!!!!
هههههههه مع ان معظم الدكاتره بيبقي واخد السواقه غشم و فاكر نفسه بيتعامل مع مريض و بتبقي رجله تقيله
و عندنا بقي ما اتحفنا به التجار و قالوا استعمال سيده!!!!
علي اساس احنا في الشارع مش نشوف السيدات بيسوقوا ازاي
العربيه صوتها عالي و مره العربيه تدخل في رصيف او حيطه الا ما رحم ربي

بجد كلمات في قمه الاستفزاز