رد: خبر جديد جدا مصيبة من العيار الثقيل
ياجماعة مصر دى أسوء تخطيط ممكن تقابله فى حياتك
ذى ما العضو الفاضل قال على شارع الهرم وفيصل والله الكلام دة بقول فيه بقالى أكتر من 5 سنين ولاحياة لمن تنادى
إنتو عارفين مرة كنت بتفرج على التلفزيون كانو مستضيفين رئيس الادارة العامة للمرور (حاجة زى كدة مش فاكر أوى)
وبيسألوه على الجزيرة اللى ادام فلفلة اللى عند ميدان الرماية اللى فى شارع الهرم عارفين قال ايه
إحنا مستنين موافقة السيد محافظ الجيزة عشان نقدر نشيل الجزيرة دى (الجزيرة دى فى عربيات بتبقى مش عارفة الطريق وبتتردد تدخل انه حارة فبتلبس فيها والكلام دة حصل مرة ادامى) ربنا يرحمنا من سوء التخطيط اللى إحنا فيه
بس بصراحة إحنا اللى عملين كدة فى نفسنا مفيش حد بيحترم الشعب ولا رأى الشعب
__________________
إنا لله وإنا إليه راجعون (يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً) لن أنساك أبدا رحمك الله يا أخى (خالد خليفة) أرجو منكم قراءة الفاتحة
|