[Dr. Bolbolan]

هذا الايميل وصلنى من صديق و عجبنى وأرجوا أن ينال اعجابكم !

أولا :- المواقف السياسية

س1:
بما تصف العلاقات المصرية الاسرائيلية؟
ج1:
يا بخت من بات مظلوم و ماباتش ظالم
س2
: بما تفسر الموقف العربى أمام الأوضاع فى غزة؟
ج2:
إذا كان الكلام من فضة فالسكوت من ذهب
س3
: بما تصف العلاقات المصرية الأمريكية؟
ج3:
اللى أكله مش من فأسه ... رأيه مش من رأسه
س4
: بما تصف سياسة مصر الخارجية؟
ج4:
دسنا الأرض اللى ما تنداس و بوسنا اليد اللى ما تتباس لا نابنا لا ذهب و لا نابنا نحاس
س5
: ما هى سياسة مصر الداخليه؟
ج5:
اضرب المربوط يخاف السايب
س6
: ما هو نظام الحكم فى مصر؟
ج6:
سمك لبن تمر هندى
س7
: ما هو موقف الإخوان المسلمين من الحكم؟
ج7:
عينى فيه و أقول إخيه
س8
: بما تفسر الأداء الحكومى المصرى؟
ج8:
إن كان هذا يكيدك أنا أزيدك
س9
: بما تصف التصريحات الحكوميه؟
ج9:
أسمع كلامك أصدقك أشوف أمورك أستعجب
س10
: بما تصف زيادة معدل النمو فى مصر؟
ج10:
إن كان الكذب حجة فالصدق أنجى
س11
: بما تفسر التغيير الوزارى؟
ج11: إ
يه يعمل الترقيع فى الثوب البالى
س12
: بما تصف الأخبار فى الصحافة الحكومية؟
ج12:
قالوا الجمل طلع النخلة أدى الجمل و أدى النخلة
س13
: بما تفسر ميزانية برنامج البيت بيتك؟
ج13:
اللى يعوزه البيت يحرم على الجامع
س14
: بما تفسر تضخم ثروة ملك الحديد؟
ج14:
سبحان العاطى الوهاب من بعد الشبشب و القبقاب
س15
: ما هو الفرق بين حزب الوفد و حزب الجبهة الديمقراطية؟
ج15:
لا تعايرنى ولا أعايرك دا الهم طايلنى و طايلك

و فى النهاية أعزائى بعد ما شفنا قدرة المثل الشعبى المصرى على تلخيص الكثير من القضايا أحب أنهى حديثى بمثل شعبى أيضا لكنه فى تقديرى كان سبب من أسباب تعاسة الشعب المصرى ألا و هو:

اللى تعرفه أحسن من اللى ماتعرفوش

و طبعا هذا المثل إجابة لسؤال معروف أتركه لذكاء حضراتكم إعمالا بالمثل الشعبى الذى يقول
من خاف سلم


ثانيآ :- عربيــــات النقــــل والميكروباصات :

1- ماتبصليش بعين رضية دنا طلع عين أمى فى السعودية .
2- ربنا يحميكى من الميكانيكى .
3- الحلوة إسمها تفاحة للسفر والسياحة .
4- الحلوة من حلوان وصاحبها راجل غلبان .
- الحلوة من منوف وصاحبها ريشه منتوف
5- الحلوة من دمياط وعليها أقساط .
6- الحلوة لما تتدلع , تخلى الأسفلت يولع .
7- ماتزمروش يابهايم دا السواق نايم .
إ جرى يا بن آدم جري الوحوش أوتوبيس 710 ماتلحقوش .
9- بيحسدونى عليكى وأنت سر عذا بى .
10- المجروحين يمسكوا يمين.
11- السعادة فى الرضا.
12- من حق الكبير يتدلع.
13- صغير بس يحيّر.
14- يا بركة دعاكى يا أمى.
15- للكبار فقط.
16- مهما كان الأتوبيس مليان دايما ليك مكان.
17- تعمل حسابى أقدرك , تهزر معايا أعورك .
18- ماتقولش دى بكام , دى جاية بدهب المدام .
19-ماتبحلقش كدة يا لوح , دى جت بطلوع الروووح .
20-ماتبصش كدة يا عبيط , الحلوة دى بالتقسيط .
21- قصه كفاح مش جايه على المرتاح .
23- الحلوة خوخه , جت بعد دوخه .
24- تركب أسليك , تنزل أولع فيك .
25- دلعها فى الغيارات , وريحها على المطبات .
26- لما كنت عصفور كلونى , ولما بقيت أسد صاحبونى ..


Dr. Bolbolan ptmnlo123per122