[ringoo]

المشاركة الأصلية كتبت بواسطة sandarosy عاوز أروح بكره أشتري لوجان 2010 نص أوبشن من موزع معتمد subdealer وبما أنني أول مرة أشتري عربية زيرو فأرجو المساعدة

مبدئيا انا معرفش انت فى محافظة ايه بس لو انت من القاهرة فا عندك محمد زكى بالقطامية وموزع معتمد وسمعته كويسة جدا جدا والاستلام فى خلال ايام قليلة

عاوز أعرف ليه هوه ممكن يسلمني بعد يوم واحد فقط بينما 16202 قرر إني أحجز الآن ويسلمني في آخر إبريل؟

التوكيل بيحتفظ ب 30 % من عدد وحدات السيارة و70 % بيروحوا للموزعين ودة عشان الوكيل يضمن بيها سيولة
وبما ان الضغط على الوكيل اكبر فى بيع العربيات للمستهلكين العاديين سواء للكاش او التقسيط ..فا بالتالى بيكون وقت الحجز عنده اكتر .. الموزع بيكون عنده عربيات متخزنة لانه بيكون واخد كمية كبيرة من الوكيل

كمان المفروض أستلم إيه مع العربية عشان محدش يضحك عليا؟

1- اربع طاسات لجنوط السيارة
2- علبة وش الكاسيت
3- الطفاية اللى هى شبه الكوباية كدة والولاعة عشان بتكون متشالة للامان
4- كتالوج العربية (المستخدم) .. كتالوج الكاسيت ... كتيب الضمان
5- الاريال
6- مفتاحين العربية

وازاي أعرف إنها مش ناقصة حاجة أو إن فيها حاجة مش بتشتغل؟

1- اول ما تروح تستلم العربية تلف محوالين العربية اكتر من مرة وتحس بيدك على صاج العربية الخارجى عشان تطمن ان مفيش اى خبطات فى العربية (حالة نادرة)
2- تنزع اللزق الابيض اللى بيكون متغطى بيه العربية الزيرو (لو عايز تسيب لزق السقف سيبه)
ودة عشان تطمن ان مفيش اى تجاريح فى دهان العربية
3- تدخل العربية ومعاك المندوب تستفسر عن كل كبيرة وصغيرة انت شايفها بعين
أ- شغل التكييف واتكاد انه شغال كويس
ب- شغل جميع انوار السيارة وجرب جميع الاشارات
ج- شغل لمبة الصالون ولمبة القراءة
د- جرب ارتفاع وانخفاض كرسى السائق وارتفاع وانخفاض الدركسيون (مش فاكر بالظبط الاوبشن دى موجودة فى الهاف ولا لأ)
هـ- ارفع جميع مساند الرأس وشوف الفرش هل فى جزء منه مقطوع ولا لأ (حالة نادرة)
و- اتفحص ابواب السيارة من الداخل وهل تلاحظ اى فروقات فى تقفيل الابواب من الداخل ولا لأ
ز- افتح الشنطة واتأكد من الاستبن نفس مقاس ونوع الكاوتش اللى راكب فى العربية (لاحظ ان اللوجان بتنزل باربع انواع كاوتش وهم الكورموران والكونتننتال والميشلان ومش فاكر ايه تانى وكلهم كويسين وبنفس الجودة ولا يوجد منهم اى مشاكل )
ح- تمم على العدة فى الشنطة على ايدك اليمين والكوريك على ايدك الشمال واتأكد من باب الشنطة بيفتح ويقفل بسهولة
......................... ......................... .............
اطلع من العربية واكشف على السوائل بنفسك
1- ماء الريداتير يكون ما بين العلامة الماكس والعلامة المين
2- زيت الماتور نفس الشيء بين العلامتين
......................... ......................... .............
طيب لو لقدر الله لاقيت حاجة عبيطة مثلا ... لاقيت الكورسى تقيل فى المجرة بتاعته تخلى المندوب يكتبلك النقطة دى فى ايصال الاستلام علسان لما تروح اول صيانة يعملوه
طبعا دى حاجات هايفة وبمجرد ما انت بتروح الصيانة بتقولهم عاليها بيعملوها على طول بدون مماطلة
......................... ......................... ..........

وإيه الأوراق اللي مفروض أستلمها؟

بتستلم شهادة الافراج الجمركى .. وخطاب موجه من الموزع او التوكيل موجه الى المرور .. وشهادة البيانات من المرور التابع ليه التوكيل محمد زكى بيخلص الموضوع دة تقريبا ب 100 جندى لكن هى طبعا بتتكلف اقل من كدة يعنى لو عايز تشترة دماغك

وشكرا مقدما لمن أفادني بعلمه وخبرته ptmnlo123per144ptmnlo123p er144ptmnlo123per144

مالك زعلان ليه هههههههه باين عليا قلبت دماغك .. عموما ربنا يوفقك وان شاء الله تستلم على خير واختيار موفق باذن الله
واى استفسار انا تحت امرك ptmnlo123per122