[خالدخليفة]

المشاركة الأصلية كتبت بواسطة dark-man أولاً انا بشكر الجميع على المشاركة والمصارحة والمعلومات القيمة ثانياً انا مقتنع تماما بالفيرنا بس سؤالي هو... لو اتوقف إنتاجها هل ده حيأثر على توافر قطع غيارها ؟؟؟ يعني لو جبتها ححتاس بيها ولا قطع غيار السيارات بتفضل متوفرة حتى بعد توقف إنتاج السيارة ؟؟ انا بصراحة مش خبير في عالم السيارات بصفة عامة علشان كده انا عاوز اعرف لو عندكوا أمثلة على عربيات كانت موجودة في مصر واتوقف إنتاجها ياريت تقولولي إذا كانت قطع غيارها إختفت ولا لسه بتتصنع لحد دلوقتي ؟؟ يعني لو العربية اتوقف إنتاجها هل بيوقفوا كمان إنتاج قطع الغيار ؟؟؟؟ .......... لأن دي تبقى مصيبة وده ممكن يكون السبب اللي يخليني ارجع في كلامي ياريت الرد العاجل لأني بإذن الله تعالى ناوي اشتري بكرة الخميس او الجمعة بالكتير علشان ألحق عرض الخصم على السعر اللي حيخلص مع نهاية فبراير... مع إني واثق انهم حيمدوه غصب عنهم ومتوقع ان الاسعار حتقل... بس خلاص انا زهقت من الانتظار ومحتاج العربية ضروري .... ادعولي اني آخد القرار السليم وشكرا لكل من ساهم بالرد ptmnlo123per154

يااستاذى الفاضل اولا عليك بصلاة الاستخارة
ثانيا طيب ماهى الدايو اللانوس موقوف انتاجها من سنوات ويادوووووووب السنة اللى فاتت شيفروليه اشترت الشركو وكل اللى عملته حطت علامتها عليها وخلاص هل فى حد من اصحاب الدايو تعب فى قطع غيارها ثم ال128 بطل انتاجها سنة 1972 والانتاج المصرى موقوف من سنة 1999 تقريبا وعربيه اسمها فورد مونديو وفورد جيا او جيتا كان الوكيل كل ميبيع عربيه يعمل اعلان تانى يوم فى الجرايد ان باقى 15 عربية 14 13 وهكذا هل اصحابه اشتكو مع ان الاعلانات دى كنت بقراها سنة 1998 والراجل نفسه اتسحب منه التوكيل واسمه عبد الفتاح رجب وكان عامل تخفيض غريب كان عامل حوالى 15 الف على عربية تمنها 90 الف وقتها وغيرهم
ثالثا عربيتك لو التخفيض عليها غريب شوية يعنى كبير بيقى فعلا هيوقفو انتاجها لكن ماهو متعارف عليه ان انتاج الموديل بيقف لكن انتاج قطع الغيار بيستمر فترة اعتقد انها 10 سنين
رابعا واضح من طريقة كلامك ان كلامنا لاهيقدم ولا هياخر بس انت بتقنع نفسك ادام نفسك علشان تبقى عملت اللى عليك ادام نفسك
خامسا / عند شراء اى شى ء مش العربية فقط عندك عدة نقط تراعيها اولا
ا- امكانياتك المادية
2-جودة المنتج بالمقارنة بالسعر مع غيره فان كان اغلى وبيعيش اكتر يبقى رخيص
3- مدى استخدامك ليه يعنى هتعمل بيها ايه هتلف مصر كلها زى حالاتى مش هتنفعك الفيرنا لكن المشاوير الطبيعية رايح الشغل و جاى من الشغل مشوار مع العيلة كلام من ده يبقى الفيرنا وفئاتها اللانوس بقى اسبرانزا اى شىء انت مقتنع بيه
اخيرا ارجو انى اكون افدتك