المشاركة الأصلية كتبت بواسطة فادى
الهدف هو توضيح ان الولايات المتحدة ليست متحفزة ضد تويوتا, فقد سبق و حاكموا جنرال موتورز ايضا بسبب طراز كورفير غير الامن. تماما كما فعلوا مع تويوتا, رغم ان عيوب كورفير عادية.
|
طب بذمتك انت شايف اللي اتعمل مع جنرال موتورز و فورد زي اللي اتعمل مع تويوتا
هل تم استدعاء رئيس اي من الشركتين للمثول امام الكونجرس بسبب عيب في احد منتجاتهم
هل تم عمل تغطية اعلامية شاملة و علي مستوي عالمي لاي من عيوب الشركتين و الضغط عليهم عشان يستدعوا العربيات دي و يصلحوها.
و هل انت شايف ان العيب اللي يؤدي الي انقلاب العربية دي شيئ عادي
المشاركة الأصلية كتبت بواسطة فادى
هل تريد ان نحاكم كل السيارات ال4*4 الغير ثابتة؟
ممكن نجيب قائمة لا تنتهى من السيارات التى تفتقد للثبات, هنحاكمها كلها؟!!
عندك الجيب شيروكى هى ايضا تنقلب مع الانحراف المفاجىء,
ارتفاع نقطة الثقل و سوء توزيع الوزن بالاضافة الى ثقل المركبة, طبيعى ان تنقلب لدى الانحراف السريع,
شهدتها بأم عينى مع الشيروكى, و سمعت عن حادثة كهذه مع اوبل فكترا!
|
الفكرة مش في موضوع الثبات اطلاقا
الفكرة في استخدام مواد رخيصة لا تساعد اطلاقا في التقليل من اثار الحادثة
يعني موت و خراب ديار
المشاركة الأصلية كتبت بواسطة فادى
ردى كان بسيطا جدا,
حتى الأن لم افهم ما هو الرابط بين مثال الاكسبيديشن الذى ركزت عليه و تجاهلت كل القضايا الأخرى التى رفعت على الشركات الأمريكية, مثل قضية جنرال موتورز و رالف نادر التى أرفقت اقتباس عنها,
و بين موضوع تويوتا.
لا شركة ملزمة بمراجعة تصميماتها اذا ما كانت غير أمنة, أو سيئة او حتى غير اعتمادية.
و لكنها ملزمة فقط باصلاح عيوب الصناعة!
دواسة تويوتا عيب صناعى.
العيب الصناعى مسئولية الشركة, و اذا تسبب فى الحوداث, يصبح تقصير و اهمال تسبب فى مقتل مواطنين.
انقلاب فورد عيب تصميمى معتاد فى سيارات ال4*4.
ضعف السقف عيب موجود فى سيارات كثيرة جدا.
الابواب التى تنفتح و حزام الامان موضوع يفصل فيه لجنة فنية.
|
يعني يا استاذ فادي انت شايف ان الشركة اللي بتصمم و تنتج عربية فاشلة من الاساس معندهاش مشاكل
لكن الشركة اللي عندها عيب في جزء معين من السيارة هي اللي يقام عليها الحد.
طب تويوتا و عدلت الدواسة فورد هتعمل ايه ؟؟؟
ثم مين قال ان تويوتا مسؤولة عن العيب الصناعي في الدواسة هي مش مسؤولة عن صناعتها هي بتجيبها من مورد و هو المسؤول عنها المفروض لكن مسؤولية تويوتا محصورة في عدم اجراء اختبارات كافية عليها.
و اصلا موضوع الدواسة عيب تصميمي برضة مش عيب صناعي لان الدواسة في حد ذاتة بتقوم بالوظيفة المنوطة بيها باكمل وجه لكن عيب التصميم هو اللي بيسبب المشاكل و الدليل ان عملية الاصلاح بتم بوضع قطعة معدنية صغيرة كفيلة بحل الموضوع. و تويوتا لم تكتفي بكده بل لجأو الي تعديل الدواسة كليا في العربيات الجديدة تحاشيا للمشاكل كلها.