|
صني سوبر صالون ولا إلانترا ولا نوبيرا
السلام عليكم
ptmnlo123per1127 أرجو الإفادة ضروري جدا
دلوقتي أنا ظروفي إني شغال خارج مصر علشان كدة لاعندي دراية بالسوق ولا الأسعار:
أولا أنا عايز أشتري عربية تكون أوتوماتك لأني مش بعرف أسوق مانوال أو ماجربتش.
ثانيا عايز اعرف سعرها لأني زي ماقولتلكم مش عارف حاجة في السوق المصرية.
ثانيا عايز عربية عائلية وبتاعت مشاويييييير علشان أنا ممكن اسافر فيها في اليوم مرتين وأكتر حسب ظروف الشغل.
ثالثا عايز أعرف ظروف الوكيل مين وكيل كل عربية فيهم ومين خدمته أرخص وكمان بالنسبة لقطع الغيار مين هيبقى مريحني في السعر أكتر من التاني.
مع مراعاة إني العربية أفضل تكون فول أبشن أوتوماتك وأعلى فئة من نوعها.
طيب كمان معلش رابعا لو فيه حدد عنده رأي في عربية تانية ياريت يفيدني بيه إذا كانت عنده أسبابه ياريت يذكرها.
ومقدما شكرا لكل من مر وساب رده وساعدني وإنشاء الله لما أستقر على عربية وأجيبها منهم أبقى أبلغكم ونتشارك كمان في رأيي فيها عن التجربة إنشاء الله.
ملحوظة صغيرة أنا أميل للإعتقاد إني الصني أكثرهم إعتمادية مش عارف ليه بحترم إسمها وسمعتها.......
|