لا حضرتك المستعمل مبيدخلش مصر
عشان تدخل عربية مصر لازم تكون انت اول مالك ليها يعني من الاخر تجيبها جديدة
ممكن انت نفسك تستعملها و تنزلها بعد مده و بتاخد تخفيض علي كل سنة استعمال بحد اقصي 35% بس من
الجمارك بس لكن الضرائب و الدمغات و الذي منه لا
فكرة تغير تاريخ الشراء محتاجة لفة كبيرة و محتاجة واسطة في الوكالة و المرور في البلد اللي قاعد فيها و السفارة المصرية لانهم التلات جهات اللي هتتعامل معاهم و انت بتنزل العربية و دي طبعا شبة مستحيل.
اما تغيير السي سي فانسي.. هتنكشف من روق العربية و رقم المتور و الشاشية و ده كده تزوير و كلبوش
في بقي مقولة بتتداول و دي اللي قال عليها محمد كمال باشا انك ممكن تنزل عربية موديل اقدم سنة واحدة من غير متاخد تخفيض الاستعمال. شخصيا انا غير مصدق للمقولة دي و الموضوع عايز بحث.
و في الغالب الحل الوحيد للمعضلة دي هو نفس الحل لكل المشاكل في مصر واسطة جامدة و رشه جريئة او تشوف حد من التجار الكبار بتوع الخليجي و هو ممكن يكون عنده الحل او يمشي الموضوع بس اكيد برضة هيبقي في رش