[sohaz1]

المشاركة الأصلية كتبت بواسطة corsair مميزاتها : اولا عربية قطع غيرها متوفرة في اي مكان وكيلها كويس مش وحش مراكز صيانتها متوفرة ثانيا عربية سهل اعادة بيعها ومطلوبة جدا ثالثا كعربية عربية جميلة جدا وماتورها شديد وعفشتها كويسة وناعمة وبتاعت شغل تكيفها روعه وتاثيره يكاد يكون غير ملموس علي الموتور اقتصادية جدا في البنزين الاوبشن بتاعها جميل عيوبها : غير ثابته بعد 130 وبتتحل المشكلة ديه بتركيب جنوط 14 عريض واجري زي ما انتي عايزة الماتور اقوي شوية من العربية وده انا شايفة عيب صجها خفيف نوعا ما فراملها في ناس بتقول انها مش كويسة بس عن نفسي فراملها جميلة جدا

ميرسي اوي علي الرد... بس ايه حكاية الموتور اقوي شوية من العربية ... معلش اشرحلي دي شوية .... اصل انا في معلوماتي عن العربيات مش قد كده....
تاني حاجة ... قطع غيارها بتتباع فين بره التوكيل.... هل تعرف مكان محدد؟؟
تالت حاجة.... مرة قريت واحد بيقول ان الموتور صوته عالي و خصوصاً لو الشباك مفتوح... ده صحيح؟؟
اخر حاجة قبل ما اشتريها... الناس بتقولي اشتري من بره التوكيل ارخص.. ده حقيقي و يا تري تعرف حد بيبيعها اقل من التوكيل؟؟؟
انا اسفه جدااااااااااااااااااااااا اااااااااااااا اني طولت عليك كده بس انا مصدقت لقيت واحد فعلا راكبها عشان المعلومات اللي باخدها تكون حقيقية

و مليون شكراً مقدماً