[sam ram]

المشاركة الأصلية كتبت بواسطة bmkbmk السلام عليكم يا شباب ... يا رب كلكم تكونوا تمام و بصحة جيدة الحمدلله عاوز أفتح موضوع جديد للمناقشة معاكم و هو اتفضل (معايير السائق الجيد ) ليه بس كدا ماكنا ماشيين كويس امتى تقول على واحد دا بيعرف يسوق او بيعرف يسوق كويس أو استاذ سواقة أو شوماخر ؟ هو لازم اكون شوماخر عشان ابقى بسوق كويس .... انا مش بسابق .... ده شوماخر نفسه ميعرفش يعمل اي حاجه في شوارعنا دي هل الذى يلتزم بقواعد المرور بحذافيرها هو السائق الجيد ؟ اكيد الالتزام كويس في كل حاجه ... الا السواقه للأسف..... الملتزم بياخد على ..... (خليها دماغه) هل اللى بيعرف ياخد غرز كويس هو السائق الجيد؟ اكيد لأ .... والا بقى سواقين الميكروباص اجدع ناس .... ويسحبوا الرخص من الستات والعواجيز ولا اللى عنده ذوق بزيادة و بيعى الناس كلها هو السائق الجيد؟ للأسف لأ برضه .... لأن الذوق الزياده مينفعش في السواقه في مصر .... لازم في وقت تاخد حقك بدراعك ( او ببوز العربيه بمعنى اصح) هل اللى بيمشى بسرعة هو السائق الجيد؟ لأ... هل الذى يراعى السيارات من حوله هو السائق الجيد؟ والله فكره هل الذى يتفادى الحوادث هو السائق الجيد؟ ياريت .... مين اللي ميحبش فاطمه .... دا العربيه بتبقى واقفه في الاشاره او مركونه .... و تتخبط مين بالظبط هو السائق الجيد ؟؟؟؟؟ ايه الشروط و المعايير اللى لازم تتوفر فيه ؟ السائق الجيد كائن اسطوري لا يتواجد الا في القصص الخياليه زي التنين و امنا الغوله و حواديت الاطفال ... زي الشاطر حسن والسندباد البحري المعايير 2 معلقه قوانين ( مش معروفه) 3 معلقه التزام ( شحيحه في السوق اليومين دول) 1 كبايه اشارات و تخطيط و شبكه طرق سليمه ( ابقى قابلني) رشه ذوق (انت وحظك) ويتم تقليب المقادير في اناء من الاخلاق و القواعد و الاصول ( وده يبقى بلاستيك و لا بايركس ؟؟؟؟) و كل واحد يقول بصراحة هو شايف نفسه فين من السائق الجيد....

اكيد طبعا انا احسن سواق في الدنيا ... واحسن من شوماخر و هاميلتون و الونسو و ميكي و تان تان و جيمس بوند كمان