[khaled al sharif]

تعالي لما أحكيلك علي إللي حصل معايا إمبارح ... بنزل كل يوم تقريبا أتمشي شوية من الساعة 7 مساء لحد الثامنه مساء ... وإمبارح لقينا جارنا إللي تحت جايب بلكونات حديد لكل بلكونات الشقة ... قلت يا نهار أسود ده خلي الشقة زي التخشيبه والسجن ... وها يركبها إمتي دي الساعة بقت سبعة .... الراجل مسي عليا اتكسفت ودخلت من البلكونة ونزلت نقلت العربية قدام شوية عشان التكسير ... المهم العمارة إللي أنا ساكن فيها بتطل علي ساحة كبيرة مرصوفة كويس حوالي 500 متر وأنا علي أي حال بركن تحت بلكونتي ... أنا كنت لسه غاسل العربية الكيا الجديده والعربية ما شاء الله وقفه قدام العمارة زي العروسة .. المهم قلت للمدام أنا أخدت الموبايل للطواريء ... معداش ربع ساعة لاقيت المدام مكلماني بتقولي تعالي خبطولك العربية ... والله إتلخبطت وقولت لا حول ولا قوة إلا بالله .. وتوقعت طوبة خبطت زجاج ولا فانوس .. وقلت تبقي مشكلة لو البلكونة الحديد دي فلتت من إيديهم ووقعت .. وبعدين قلت مش ممكن ده أنا قدمت العربية بعيد ... المهم وأنا زعلان وعمال أفكر يا تري إيه إللي حصل للعربية وصلت للعمارة لاقيت كل الجيران ملمومة حولين العربية وعربية إلنترا بتاعة جارنا قايد كشفاته العليا علي العربية من قدام .. واحد من الجيران قلي الحمد لله ياأستاذ خالد بسيطه قدر ولطف ... طلعت القصة إن واحد جارنا عنده عربيه النترا 2010 مديها لأبنه 12 سنه يلعب بيها قام الولد خيشها في حيطة العمارة وبالمرة كحتلي النمرة وإكصدام العربية الأمامي ... نفس الولد ده خبط عربية واحد جارنا النترا برده دعكله الباب وبينهم وبين بعض قواضي بسبب الموضوع ده ... قلته يا أخي إنتي محرمتش مدي إبنك عربية يخرب بيها عربيات الناس بص بقه أنا مبخدش حقي أقسام ومحاكم أنا بخده حق عرب ولما حق العرب ما بينفعش بعرف أخده إزاي عافيه ... قاعد يقول أن تحت أمرك في أي حاجه إنت عايزها ... لاقيت الموضوع غطاء إتقطع ونمره إدعكت وإتمسحت من شدة الحكه وكام تكحيته في الإكصدام .... قلته بص أنا ها أعتبر الكلام إللي أنا قولتهولك قدام الناس إنذار لم إبنك وخليه يلعب بعيد عنا إحنا شقيانين في فلوسنا مش زيك ... إفتكرتك ساعتها لما نزلت لاقيت عربيتك الجديدة برده قشرولك الكبوت زي البرتقاله ... بالله عليك مش حاجه تحرق الدمptmnlo123per111