المشاركة الأصلية كتبت بواسطة رياح التغيير
يعني ايه الضغط العالي هيعرج الصاج وانهي صاج في العربية بالظبط؟ والضغط العالي في غسيل الشاسيه يأثر ارجو توضيح النقطة ديه استاذ احمد
وصحيح غسيل الشاسيه بالميه ولا الجاز ولا ايه بالظبط
|
البنزينات بها مسدسات ميه قوية جدا المفروض يكون راكب على خرج المسدس قطعة معدنية مسئولة عن خروج المياه بشكل موزع على هيئة مثلث لكن معظم المسدسات القطعة دى مش موجودة فتخرج الميه مركزة فى نقطة واحدة فلما يتم توجيه المياه على صاج البييان و الرفارف بشكل مباشر و عمودى تحدث تعريجات بصاج هذه المناطق ( لا يمكن ان ترى الا لو بصيت على جنب السيارة و انت واقف وراها تحس ان انت شايف نقر بسيطة او تموجات بالصاج )
لكن طبعا بالنسبة للشاسيه الضغط العالى لا يؤثر و موضوع الجاز على الشاسيه مش متاكد منه (بتهيألى كويس علشان الجاز حتيرط الميه و يضمن تاخير عملية الصدأ)
ان عن نفسى بعد ما بيخلص غسيل الشاسيه فى الاخر بالميه بادخل انا و معايا WD40 و برشة على الجلب و المناطق الى انا حاسس انها ممكن تصدى ( خدوش ، مناطق لحامات ، مناطق مزنوقة ) لان ال WD40 بيطرد الميه برضه و كمان مزيت للجلب بس للتسهيل رش الجاز ان شاء الله مش هيعمل مشاكل
و ان امكن قبل غسيل الشاسيه الانتظار حتى يبرد الشاكمان و الفرامل قليلا لاطالة عمرهم