[Eng . Mando]

حصل خير يا دكتور و ماتزعلش نفسك ، انا الموضوع ده اتكرر معايا ، بس اللى يغيظ الواحد انه حصل معايا و انا راكنها فى جراج . الموضوع انى بعد ماركنتها و نزلت الصبح علشان اروح بيها مشاويرى ، لقيت موتوسيكل قدامها ، و بعد كده روحت افتح البااللى ورا علشان احط حاجات لقيت البا فيه نقرة عمقها 5 سم ، و العربة كانت لسه مارخصتش و باكياس المصنع . و طبعا النقرة دى من ايد الموتوسيكل .
و كمان حاجة تانية حصلت معايا ، و هى انى كنت طالع مطلع الدائرى اللى عند الميراج سيتى ( بعد مصنع صقر ) ، كان فيه عربية نقل قدامى ، و العربية كانت محملة طوب و ردش ، و كان فيه واد معفن قاعد فى الصندوق ، لقيت الواد ده وقف على العربية و مسك الطوب الكبير ده و قعد يرميه عليا و على بوز العربية لولا ربنا ستر و انا مسكت فرامل جامد و لحقت اتفاداه كانت العربية ادغدت .
المهم انا بقولك كده علشان ماتزعلش و علشان تعرف ان فى نفوس مريضة ماشية حوالينا مسكترين النعمة اللى ربنا انعم بيها على الواحد و هما مش عارفين ان العربيات دى جت بحرقة الدم و البهدلة .
طالما اساسات و موتور العربية كويسين ، خلاص ولا يهمك اى حاجة تيجى فى الصاج