المشاركة الأصلية كتبت بواسطة SAbuhashem
بتقول زودت العزم 3 مرات بدون فورسيد انداكشن
ولا نوس ولا تربوا ولا ميثانول انجكشن
بدون تغير فلتر أو بوجهات
بدون MSD
بدون اضافات على البنزين
بدون بدون بدون ......
وطبعا بدون تغير الانترنالز زي ماهو واضح من التكلفة اللي إنت قلت عليها
يعني جميع المدخلات للموتور ثابته
وبما إنك مغيرتش الشكمان ولا الفرن لواحد رياضي
يبقى الخارج كمان ثابت
وكمان مغيرتش أي حاجة في الدرايف ترين ده حتى طقم الدبرياج بتقول مغيرتوش ( هو في طقم دبرياج ستوك بيستحمل 3 اضعاف العزم الأصلي (ده بتاع الانسر ايفوليوشن فوت بعد شوية تعديلات واضطرينا نغيره )
يبقى مش فاضل غير إنك غيرت في مابات الكنترول
وبما إنك عملت التجربة على بيتل ودي شغالة بمنافلة مش كنترول يبقى فكرة مستبعدة
وبما إنك انكرت فكرة الجروفينج بتاع سينج مع انه كانت اقرب فكرة ممكن تطبق - بس بتزود 20 % بس من العزم وده شيء رائع لموتور ستوك بدون تعديلات
وهي الفكرة الوحيدة المثبتة والمجربه في تقليل الاهتزازات واستهلاك البنزين و تقليل العادم والحرارة
يبقى أعذرني أنا مش مصدق وحاسس إنك بتبيع سمك في مية
وطريقة عرضك للموضوع غير مقنعة بالمرة وأنا مستغرب إن في ناس بتشجعك وتباركلك
على إيه مش عارف ؟
هو في اختراع أساسا نباركلك عليه
يعني إيه اديك عربيتي واديك فوقها 1750 جنيه ترجعهالي فيها باور خزعبلي
وملكش دعوة أنا عملت إيه !!!
اش دراني إنك مش معبيلي التنك سائل نايتروس أكسيد وأول مايفضى سلام سلام
أو حضرتك ساحر بقى وده شيء تاني !
ومش عارف ليه إنت مركز على زيت فيسكو مع إنه مش الزيت الخارق اللي يستخدم في عربية عزمها زاد بالشكل الفظيع ده
اعذرني أنا لا اقصد أي اهانة لشخصك الكريم لكن كان واجب عليك تحترم عقليتنا على الاقل
حضرتك بتشوف اعلانات الكريم السحري اللي بيخسس 15 كيلو في اسبوعين
ولا الاعشاب اللي بتعالج مرض السكري اللي العالم كله مش لاقيله علاج
ولا احدثهم العلبة الصفراء والعلبة الزرقا للانجاب وعلاج العقم
وطبعا العلب مش معتمدة من وزارة الصحة ولا حتى عليها مكتوب المحتويات
بذمتك بتقتنع وتشتري الحاجات دي ؟
تقبل تحياتي
|
+111111111111111111111111 11111
كلام صحيح 100%