[حسين122]

السلام عليكم و رحمة الله و بركاته
في نقطه مهمه جدآ لازم نتفق عليها بإذن الله
((( النقاش يجب أن لا يتضمن تقليل من شأن حد )))
يعني في فرق كبير بين التقييم الموضوعي للعربيه و بين التريقه بمبدأ ألي أيده في الميه ....
يعني لو بصينا للأتوبيسات و شوفنا الستتات بتتبهدل أذاي و هيه رايحه شغلها
و هيه رايحه تقضي أي مصلحه بتتعرض لتحرشات في الميكروباص

طبعآ في ستات كتير و رجاله برضه يستحقوا ضرب النار ....
لكن برضه في ستات بتضطرهم الظروف للخروج للعمل أو للدراسه
تفتكروا يتعرضوا للمهانه دي و لا يركبوا عجله بتلت عجلات حتى
أي و سيلة مواصلات أفضل للست يبقى لازم تكون أفضل مش مجال للتريقه
لو راجل واخد زوجته و عياله و رايحين مشوار مهم
تفتكروا ياخدوا مكروباص و لا أتوبيس و الراجل يفضل طول الطريق يحلق على بناته و زوجته من الشباب
و لا يركبوا العربيه دي و لو يوصلوا بعد ساعه زياده
و بعدين مش معقول العربيه دي تقلب لو قعد فيها واحد بس
تفتكروا الي عملوها مجربوهاش
طب عمرنا سمعنا عن تو كتوك أتقلب لما زبون ركبه لوحده
طبعآ عوامل الأمان فيها أقل بكتير من العربيات
لكن العربيات نفسها عوامل الأمان فيها بنسب متفاوته

أنا عن نفسي لو بنتي دخلت الجامعه و ملقيتش أمكانيه أجيب لها عربيه و لو صغيره و لقيت العربيه دي بسعر معقول هأجيبها لها
أما عن تريقة الناس فده أمر وارد دايمآ
ليه ؟؟؟
لأن صاحب المرسيدس بيسخر من صاحب التويوتا و الانسر
و هم بدورهم بيسخروا من صاحب الفيات
و هو بدوره بيسخر من صاحب 133
و هو بدوره بيسخر من صاحب الموتوسيكل
مش لازم السخريه تبقى بالكلام
كفايه يبصله بإزدراء
و كأنه بيقوله روح ألعب بعيد بعربيتك دي
و لا حول و لا قوة إلا بالله العلي العظيم
(( لا يسخر قوم من قوم عسى أن يكونوا خيرآ منهم و لا نساء من نساء عسى أن يكن خيرآ منهن ))

سلام