[حازم شاهين]

المشاركة الأصلية كتبت بواسطة offline الحديثة يعنى موديلات كام انا عندى نوبيرا 97 و مبلاحظش أى إرتفاع فى الار بى إم أو الصوت فى بداية التشغيل عشان كده بسخن دقيقة واحدة و بتحرك بهدوء ده صح و لا غلط ؟

صح إن شاء الله

الفيصل فى موضوع التسخين هو طريقة ضخ الوقود للمحرك
المحركات اللى بتعتمد على الكاربيراتير بتحاج فترة تسخين أما المحركات إللى بتعتمد على نظام حقن الوقود مش محتاجه تسخين أكتر من دقيقة واحدة فى الواقع 30 ثانية كفيلة بضخ زيت المحرك فى جميع أجزاء المحرك و كمان ضخ مياه التبريد و زيت الباور و كل الأنظمة دى بتكون وصلت لمرحلة العمل الطبيعى بتاعها
لكن و مع ذلك ينصح بالسير لمدة خمس دقائق بطريقة هادئة و عدم الضغط بشدة على المحرك.

موضوع تقليل الحاجة لفترات تسخين طويلة كان مطلب بيئى و إقتصادى قبل أى حاجة
فإستهلاك الوقود أثناء التسخين (و كذلك عند الوقوف فى الإشارات) هو ضعف إستهلاك البنزين و السيارة ماشية.
و بالتالى إنبعاثات الغازات الضارة أكبر

مثلا من ضمن نصائح وزارة البيئة الكندية (درجة الحرارة -20 فى الشتاء) عدم زيادة فترة التسخين عن دقيقة واحدة مع إستخدام أنظمة أخرى لإزالة السقيع عن جسم المحرك
تسخين السيارة لمدة عشر دقائق ما هو إلا :

خسارة لقيمة الوقود المستهلك فى عشر دقائق
زيادة فى كمية الملوثات المنطلقة للجو بمقدار عشر دقائق تشغيل
التأخر عشر دقائق عن مواعيدك