الف مبروك العربيه و ربنا يديك خيرها و يحميك من شرها
1- عند المشي علي السرعة من (30-40) كم يحدث رجرجه في العربيه(الدركسيون و دواسة البنزين) و رجرجه فوق ال (90) كم فقط
|
محتاج الاول تضبط زوايا و تربط علي العفشه و بعدين تعمل ترصيص علشان الرجه فوق ال 90
اما الرجه من 30 ال 40 دي ليها كذا سبب بالترتيب
1.ممكن يكون عندك فرده كاوتش اماميه السلك بتاعها اتعوج و دا بيخلي فيه رعشه في بدايه الحركه و بعدين تنتهي
ممكن تعمل تبديل للعجلات الاماميه و الخلفيه و لو فضلت الرعشه موجوده يبقي الاحتمال التاني هو السبب
2.ممكن يكون فيه كوبلن داخلي مأتب و في الحاله دي تفك الكبالن الداخليه و تكشف عليه و لو لقيت واحد وحش تغيره و الدنيا حتتظبط
|
2- الايطالة في دوارة العربية(7 ثواني) عند توقفها لمدة نصف ساعة او اكثربقليل و لكن بددور علطول في الصباح
|
راجع علي كهربا العربيه و شوف شحن الدينامو و قوه البطاريه
طالما انت مغير البوجيهات
|
3- لمبة الباب بتنور لما بدوس علي الفرامل و لما بشيل رجلي من علي الفرامل تطفي ؟؟؟
|
كده في سلك ملمس و محتاجه كهربائي يشوف التلميسه جايه منين و يعالجها بسيطه مافيهاش حاجه
|
التكييف البارد زي الفل لكن السخن مش حلو
|
سيبه كده مافيش منه مشاكل
|
5- نقصان ماء الاربة بصورة ملحوظه و لا يوجد اي تسريب
|
راجع علي غطا قربه الميه ممكن يكون بايظ و بيسرب و تشتري غطا اصلي حتي لو استعمال وبلاش الغطيان المضروبه
|
6- صوت تزييق عند كسر الدركسيون يمين و شمال
|
عمود الدركسيون محتاج تشحيم برضه العفشجي يبص عليها و حاجه بسيطه
|
7- احساي ان صوت الموتور عالي عند بداية الدوارة و بيقل شوية لما تسخن
|
دا عادي لان الصبح السخان بيشتغل لتسخين العربيه و بعدين بيبدأ صوتها في الهدوء واحده واحده
|
8- بتاكل بنزين زيادة يعني ال10 لتر بيمشوني 90 كم
|
دا الطبيعي في اللانوس انها بتاكل بنزين مش عيب ولا حاجه في عربيتك