رد: Chevrolet Lanos or Speranza A516
انا عندي اسبرانزا a516 بقالها معايا 3 سنين بالظبط و الصراحة عربية مفيش نعومة اكتر من كده و ببقى جوا كنت سايق على 120 كاني واقف بالظبط مفيش صوت للعربية و سواقتها على السرعات العالية ناعمة جداً غير كمان ان لما حد بيطلع قدامي مرة واحدة فيها فرامل abs العربية بتقف في لحظتها و كمان عمرها ما عملتلي مشاكل خالص و عمري ما رحت لميكانيكي ولا حاجة و مركز الخدمة كنت بروحله للصيانة الدورية بس يمكن كان فيه في الاول كده تخبيط بسيط من الجنب كده في الحتة اللي بين البابين ودتهلهم عملوهالي في ساعتها كان فيه حاجة عايزة تتربط كويس و خلاص و لسة معايا و زي الفل بجد كانت اكبر مكسب ليا
و على العكس على فكرة للاخ اللي بيقول ان a516 فيها اكتر اعطال انا بسمع انها العربية الاسبرانزا الوحيدة اللي نافعة واللي ناجحة و ده مش كلامي
و عموماً انا مش بقول الكلام ده علشان دعايا يعني ولا حاجة انا كسبان ايه انا بقولك الحقيقة و انا على فكرة عندي برده نوبيرا واللي هي المفروض تكون احسن من اللانوس بس لما بركب الاسبرانزا بحس بفرق كبير جداً من حيث الراحة و صوت المتور مفيش عزل تمام و تحكم احسن بكتير و نعومة ملهاش حل امال اللانوس بقى ربنا يكرمها و يديها طولة العمر هتبقى عاملة ايه بالنسبالها؟ برده التكنولوجيا و الحاجات الجديدة تفرق
|