[بدر بسيونى]

المشاركة الأصلية كتبت بواسطة السائلة الحائرة ممكن حد يقولى ايهم افضل great wall ام اكسبلوجن خاصا انى سمعت ان اكسبلوجن فيعا عيب فى الفتيس واللى قالى كدة التوكيل المسلمى بنفسة لانى كنت عاوزة اشتريها وكانت عجبانى ممكن حد يرشحلى عربية فى مواصفات الاكسبلوجن عالية عن الارض وما تزدش عن 65 الف شكرا

بالنسبة للاكسبلوجن بالطبع زى ماقال اخى العزيز ابويمنى بلاش لعدة اسباب العربية مش منتشرة الى جانب ضعف التوكيل وعدم توافر قطع غيارها بشكل كامل داخل وخارج التوكيل

اما الجرييت وول فى عربية من اكتر العربيات الصينى المحترمة وانا شخصيا بفضلها عن الشيرى وتوكيلها الى حد كبير محترم لان عز العرب محترم كتوكيل بس يعيبها انها لسه مانتشرتش ومااتجربتش فى مصر وده غلطة وكيل مستخسر يعمل اعلانات ودعاية

الترشيحات

الفيرنا ال1600 سى سى رقم واحد عربية نجحت فى مصر منتشرة تقدرى تصلحيها فى اى حته جميع قطع غيارها متوفرة واى ميكانيى بيفهم فى الفيرنا كويس

التيجو عربية مغرية جدا جدا بس فيها اقاويل ناس عجباها اوى وناس مابتشكرش والحقيقة انه لايمكن تقييم العربية دى الابعد مرور من 3 الى 5 سنوات على استخدامها غير كده مجرد كلام

البيكانتو عربية متميزة وتوكيل محترم لو استخدامك حلو ومش حتبهدليها تبقى عربية ممتازة لكن لو استخدامك قوى بالعربية يبقى بلاش وانا بميل للبيكانتو على الالى 10 عشان ضمان 100 الف كم او 5 سنوات


وبرجاء قبل شراء العربية التفكير فى قطع الغيار والصيانة قبل التفكير فى السيارة