|
بافكر ارجع النوبيرا
السلام عليكم يا جماعة
انا لسة واخد نوبيرا و بفكر ارجعها
مش عارف لية اتشائمت منها
و حاسس ان مصاريفها هاتبقى كتير عليا بصراحة ولا اية رأيكم
العربية معايا بقالها يومين
اول حاجة اليوم بادور الصبح لقيت الساعة اللى فى التابلوة مش شغالة
مع انها امبارح بالليل كانت شغالة
سافرت بيها الصبح مشوار المنصورة اول ما زصلت و باركن جبت مارشيدير
لقيت بخار ماء خارج من تحت الكبوت بكثافة فتحت الكبوت لقيت المية مغرقة المنطقة اللى ورا البطارية و الحرارة مانت فوق النص بشوية
المهم سبتها ورحت مشوارى و قلت حتى تبرد
رجعت لقيت فى خرطوم مقطوع ( هما خرطومين و بينهم وصلة كدة ) معرفش لية
المهم لقيت الوصلة مقطوعة و حظى كان كويس لقيت ميكانيكى جنبى شافها و قالى هانكب ماسورة احسن و ركبنا كاسورة و رجعت من المنصورة
الحرارة بردة فوق النص بشوية( معرقش الطبيعى اية)
نزلت بالليل شميت ريحة مياة الردياتير تانى
فتحت الكبوت لقيت الريحة لكن مالقتش ماء
استنت لما العربية هدأت شوية و فتحت غطاء القربة و دورت العربية
مافيش دقيقة و لقيت المياة طالعة من القربة زى الشلال
رحت لميكانيكى قاللى ممكن تكون دورة المياة واخدة هواء و فك الخرطوم الرفيع اللى دخل العمة و بدانا نزود ماء و بنزين
و كنا بنتكلم و فجاءة خرج الشلال تانى
و بعدين فوجئت ان المروحة ماشتغلتش خصوصا انة قاللى العربية دى حرارتها مابتجيش النص
جبنا كهربائى عمل تيست على الفيوزات كلها ( فرحت و قلت اشوف ساعة التابلوة اللى طفت الصبح بالمرة)
و بعدين قاللى كلة تمام و ممكن تكون المشكلة فى ساعة الحرارة و دى محشورة فى حتة ورا الموتور تحت الرشاشات و حاول يفكها معرفش
مش عارف اعمل اية
خايف اخد العربية افتح على نفسى فتحة مصاريف ( خصوصا انى كنت ناوى اروح التوكيل) لكن فى ناس قاللولى لو غيرلوك السيور و الزيت و لو فى اى مشكلة زى المشكلة اللى فاتت دى هاتدفعلك حواى 2000 جنية
ربنا عالم انى سالف 5000 جنية علشان العربية دى
اية النصايح لوجة اللة
هى 2003 كاملة اتوماتيك ( نوبيرا )
|