المشاركة الأصلية كتبت بواسطة خالدخليفة
ياباشا ايه علاقة ده بارواح الناس دى عبارة عن موتوسيكل بس متغطى وب3 عجلات ولو بالمنطق ده يبقى نمنع ركوب الموتوسيكلات لان ركوبها يؤثر على الجهاز التنفسى والوجه بالاضافة الى اتزان الموتوسيكل نفسه اللى ممكن يكون مصدر خطورة كلام مش منطقى دى معمولة للقضاء على التوكتوك بشكله السىء وخاصة انى فوجئت انه وصل 18 الف جنيه اما الخطورة فعلا فهى فى سلوكيات القيادة بتاعتنا نفسها مش فى المركبة ولو سعادتك بتركب الميكروباس كتير هتلاحظ ان فى ميكروباسات عمرها الافتراضى انتهى تقريبا ولا نمر ولا اى حاجة غير الكلاكس والفرامل ولو انت فاكر كان فى عربية ملاكى بدانا فى انتاجها زمان كان اسمها رمسيس وبسبب تريقة الناس عليها وعدم الصبر على الشركة انقرضت السيارة ولجانا للتجميع وكان ظهور السيارة الشاهين طبيعى جدا ان اول بداية للصناعة بتبقى فى مشاكل وكويس اننا بدانا بحاجة صغيره يعنى مش محتاجة تسارع ولا اى بى اس ولا الكلام الكبير ده اشكر ليك ردك وسعة صدرك وتقبل تحياتى
|
الموتوسيكل حاجه و التريسكل حاجه و الافتكاسه دي اخر حاجه
الموتوسيكل اتزانه بيعتمد على توازن اللي راكبه و لازم يميل بجسمه معاه في الملفات علشان ميقلبش .... وبيركبه واحد او اتنين بالكتيراوي
لكن التوكتوك العجيب اسواء من الموتوسيكل لأن توزيع الوزن في الضياع ومفيش اي سيطره او تحكم من السواق في اتزانه .... يعني حتى معندوش سيطره سواق الموتوسيكل
ولو حضرتك بصيت على مشاركه ابو نورا و الفيديو حتلاقي التعليق عليه في الفيديو ان اكتر حاجه مشهور بيها عدم الثبات !!!
يعني احنا جايبين اسواء حاجه في الدنيا ونقول هو ده الحل !!!!!
وبعدين ده 4 ركاب و لا 2 كبار و3 اطفال .... ايه الاستهتار بالبشر ده ...
ولا اكمنا بقينا مستهترين في كل حاجه و الميكروباص محصل القطر وكله يا بيقلب يا بيولع يا بيخيش يبقى نجيب توابيت ونركب لها عجل !!
الله يرحمه الشيخ الشعراوي كان مسمي الموتوسيكل موتو سهل ... الله اعلم كان حيسمي التوك توك ايه !!