[ayman abdelrazek]

شوف يا انور مع انى انا السبب فى طرح الموضوع للنقاش او انا اللى سخنتك علشان تطرحه للنقاش اخرت ردى شويه حتى يتثنى للجميع المشاركه فى الاستطلاع اللى نتيجته حتى الأن مخيبه للأمال احب ابدأ الحكايه من اولها

-كنا قاعدين انا وانور وابونورا وسومو على قهوه يوم الاربعاء اللى فات حتى الساعات الاولى من الصباح فى روكسى وعندما دخلنا القهوه تبادر لذهنى سؤال فقمت برميه فى حجر ابونورا ماذا عن الزواج مره اخرى ؟
فوجئت بتنهيده حاره انبأت عن الاجابه بالطبع وهى الموافقه
واحمد انور تحمس وبشده وللغايه بالفكره وابلغنا انو كان عاوز يعمل موضوع فى المنتدى وبالطبع ابدى موافقته على الزواج مره ثانيه وثالثه لو ممكن .
المهم جه الدور على ابو السوووم عريض المنكبين اللى يسد عين الشمس الراجل الطيب خريج الازهر قالك لااااااااا.... هى واحده وزى الفل بعد كده.
وبعدين قاعدنا نتطرق بالكلام الى اهمال المرأه للرجل بشكل ملفت بعد الزواج ناهيك عن اهمالها لنفسها وخاصة بعد الحمل والولاده ووووو.......الخ.
فضلا عن افتقادها للكثير من فطنتها وذكائها اللى كان موجود فى فترة الخطوبه .
وان المرأه المصريه غالبا ماتفتقد هذه الميزه وهى الذكاء الرومانسى فى التعامل مع الرجل بعد الزواج لأحساسها انها وصلت لغايتها وحققت هدفها بالزواج منه وبكده بقى ملكا لها (بكسر الميم) وليس ملكا لها (بفتح الميم).

ملحوظه :
كل ده والاخوه الافاضل ابونورا واحمد انور معايا تماما فى الكلام وبيقولوا كلام ماينفعش انو يتقال غير ع القهوه اللى كنا عليها وفى الوقت ده بس.
والباشا سومو قاعد مبلم وكأن على رأسه الطير.

المهم انا رأى الشخصى فى الامر ده ان الاساس والاصل فى الزواج شرعا هو التعدد وهذا اصل من اصول الشرع ونحن جميعا متفقين على ذلك.

وقد حدد الفقهاء شروط سبعة لتعدد الزوجات لابد من توافرها وتتمثل في الآتي :



1- أن تكون الزوجة عاقر

2- أن يكون لديها برود جنسي

3- أن تكون طاقته الجنسية تحتمل أكثر من زوجة

4- أن يكون الزوج مراعيا لأيتام سيدة ما فيتزوجها حتى يستطيع الدخول والرجوع

5- أن يكون قائما على شئون أسرة مجاهد شهيد ويراعى أولاده

6- أن يكون النساء كثر في زمانه وخاف من مشكلة العنوسة ونحو ذلك

7- أن يكون قادرا على الباءة وغير قادر على أن يحصن نفسه .


وإذا انتوى الرجل أن يتزوج على زوجته فعليه أن يلتزم بأمرين :

أولا العدل بين نسائه ماديا .. وأن يكون متمكنا من فتح العديد من البيوت،

فضلا عن ان الله سبحانه وتعالى خلق فى جبلة الرجل ونفسه وجسده القدره على الزواج من واحده حتى اربع ولله فى ذلك حكمه كبيره والرجل يستطيع تحمل ذلك من رغبه وفكر وقلب وعاطفه ومشاعر واحساس وما الى ذلك.
يعنى من الاخر ربنا خالق الرجل يقدر يحب اكتر من واحده بنفس القلب ويحتوى اكتر من امرأه بنفس العقل ويعطف على اكثر من امرأه بنفس الاحساس ....والباقى انتوا عارفينو طبعا........

هو كده ربنا خالقنا كده ومش معنى انى اتجوزت على الاولى يبقى مش بحبها بالعكس
قلب الرجل فيه من المكان ما يسع اكثر من واحده وذلك اذا كانت لا تستطيع الاولى ملئه وحدها.

نرجع لجلسة القهوه

وبعدين يا اخوانا اشتغلت معانا ضحك هيستيرى على بعض النكات وخاصة نكته قام بألقائها احمد انور والبرد مش عامل معانا حاجه ومش عاوزين نمشى.

وتطرق بنا الحديث ايضا الى جيل مواليد السبعينات وفضلهم على المجتمع لأن هذا الجيل هو حلقة الوصل بين القديم والحديث فى مجتمعنا الأن.
الى ان قمنا بعد استدعاءات حاده من زوجاتنا... الموبيلات اشتغلت رن ومن النوع الحاد كمان...ورجعنا الى قواعدنا سالمين غير غانمين متمنيين اليوم الذى ننظر فيه الى الاجنده ونقول هو مين اللى عليها الدور النهارده.

حبيبى يابو انور ياغالى